Sams 18:28 - Pijin Bible

²⁸ Lod Yawe, yu nao yu God blong mi, an laet blong mi. Yu nao yu laet fo mi insaet long tudak.

Pijin Deuterocanon

²⁸ Lod Yawe, yu nao yu God blong mi, an laet blong mi. Yu nao yu laet fo mi insaet long tudak.

Sams 18:28 Iomraidhean Croise

2 Samuel 22:29

Lod Yawe, yu nao yu laet blong mi. Yu mekem tudak blong mi fo kamap delaet.

1 Kings 11:36

Bae mi letem pikinini blong hem fo rul ovarem wanfala traeb nomoa, mekem man long laen blong King Deved fo king long Jerusalem olowe. Hem nao ples wea mi bin siusim fo yufala wosipim nem blong mi long hem.

1 Kings 15:4

Bat bikos Yawe hemi tinghevi long King Deved yet, hemi givim wanfala pikinini long Abaeja mekem hemi sensim hem long Jerusalem fo king ovarem Jiuda. An Yawe hemi lukaftarem Jerusalem gudfala olowe.

Stori abaotem Job 18:6

Ya, bae hemi olsem haostent wea i nating garem eni laet insaet. An nomata smolfala laet kolsap long hem, bae hemi dae finis.

Stori abaotem Job 29:3

Long datfala taem, oltaem hemi olsem wea laet blong hem hemi saen fo mi insaet long tudak.

Sams 112:4

Eniwan hu hemi falom olketa gudfala wei an hemi sore long olketa narafala pipol an hemi kaen an hemi stret, hemi olsem laet wea hemi saen bikfala long tudak.

Sams 132:17

Bae mi mekem wanfala long olketa hu i bon kam bihaen long King Deved, fo kamap wanfala strongfala king. An bae mi lukaftarem hem gudfala mekem hemi save rul olowe.

Provebs 20:27

Haat blong man hemi olsem laet blong Yawe, no enisamting long laef hemi save haed.

Aesaea 2:11

Long taem ya, bae Yawe hemi daonem olketa praod pipol, an bae evri pipol i mekhae nomoa long Yawe.

Aesaea 2:12

Long datfala taem tu, Yawe hu hemi garem evri paoa bae hemi daonem olketa pipol hu i praod.

Aesaea 42:16

Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Aesaea 62:1

Wakaman blong Yawe hemi tok olsem, “Bikos mi lavem Saeon, bae mi no save stap kuaet. Ya, bikos mi lavem Jerusalem tumas, bae mi gohed fo prea fo hem go-go hemi kasem taem wea Yawe hemi sevem yufala, an hemi mekem wei blong yufala fo kamap stret. Ya, stretfala wei ya nao bae hemi saenaot olsem san long eli moning, o olsem bikfala laet wea hemi saen long naet.

Matiu 4:16

Olketa pipol ya wea olketa stap long tudak, olketa lukim wanfala bikfala laet. An olketa hu i stap andanit paoa blong dae, disfala laet hemi saen go long olketa.”

Gudnius abaotem Jisas Kraes wea Luk hemi raetem 1:79

olsem san hemi kamap an saen long olketa wea i stap long tudak, an andanit long paoa blong dae. An bae hemi lidim yumi go long rod, wea bae yumi kasem piis long hem.”

1 Pita 2:9

Bat yufala ya, God hemi siusim yufala finis kamap pipol blong hem. Hemi mekem yufala olketa prist blong King, an olketa holi pipol blong hem. Yufala nao olketa pipol blong God, wea hemi siusim fo talemaot olketa gudfala waka wea hemi duim. God hemi kolem yufala finis, an yufala bin kamaot from tudak an kam insaet long gudfala laet blong hem.