Sams 18:21 - Pijin Bible

²¹ Hemi God blong mi an oltaem mi gohed fo obeim olketa lo blong hem, an mi nating gorong from hem.

Pijin Deuterocanon

²¹ Hemi God blong mi an oltaem mi gohed fo obeim olketa lo blong hem, an mi nating gorong from hem.

Sams 18:21 Iomraidhean Croise

2 Kronikols 20:32

King ya hemi duim olketa samting wea hemi stret long ae blong Yawe, olsem dadi blong hem, King Asa, hemi bin duim bifoa.

2 Kronikols 34:33

Bihaen, King Josaea hemi go long evri ples blong olketa traeb blong Israel, an brekem olketa ravis tambu kaving blong olketa narafala god wea i stap long olketa ples ya. An hemi mekem olketa pipol wea i stap long Israel fo obeim Yawe. So long taem wea King Josaea hemi laef, olketa no lusim stretfala wei blong Yawe hu hemi God blong olketa olfala grani blong olketa.

Sams 119:102

Mi no save fogetem olketa rul blong yu, bikos yu nao yu tisim mi.

Sams 17:4

Mi no save toktok nogud olsem olketa narafala pipol i duim. Mi bin obeim olketa toktok blong yu, an mi nating falom olketa wei fo faet.

Sams 26:1

Lod Yawe, oltaem mi gohed fo duim olketa samting wea hemi stret, an mi gohed fo trastem yu. Plis yu talemaot long olketa enemi blong mi wea mi no duim eni nogud samting.

Sams 7:9

Yu God nao yu stret tumas, an yu luksave long olketa tingting blong mifala an olketa samting wea mifala laekem. So plis yu stopem olketa ravis wei blong olketa nogud pipol ya, an givim gudfala samting long olketa pipol hu i duim olketa gudfala samting.

Provebs 8:32

“Olketa pikinini, lisin kam long mi. Falom toktok blong mi, an bae yu hapi.

Daniel 6:23

King hemi barava hapi tumas, an hemi tokstrong long olketa man fo pulumaot Daniel from hol ya. Taem olketa pulum hem aot, olketa lukim dat olketa laeon i nating duim nomoa eni nogud samting long hem, bikos hemi trastem God hu hemi wosipim.

Aposol 24:16

So mi barava traehad oltaem nomoa fo mekem tingting blong mi fo no filsem long ae blong God o long ae blong olketa pipol.

1 Tesalonaeka 2:10

Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

1 Jon 2:19

Olketa enemi ya i lusim yumi finis bikos olketa no barava blong yumi. Sapos olketa barava blong yumi, olketa save stap wetem yumi nomoa. Bat long wei wea olketa lusim yumi, hemi somaot klia dat olketa i no blong yumi.

1 Samuel 15:11

“Mi sore tumas bikos mi mekem Sol fo kamap king. Distaem hemi no falom an no obeim mi, an hemi no lisin nao long olketa toktok blong mi, dastawe mi no laekem hem fo king moa.” Nao Samuel hemi trabol tumas from samting ya, an hemi gohed fo prea long Yawe go-go ful naet.