Sams 18:14 - Pijin Bible

¹⁴ Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Pijin Deuterocanon

¹⁴ Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Sams 18:14 Iomraidhean Croise

Stori abaotem Job 37:4

Bihaen, voes blong hem hemi saon kam olsem wanfala bikfala tanda. An evritaem yufala herem voes blong hem, hemi somaot paoa blong hem long laetning ya.

Stori abaotem Job 37:5

Taem God hemi tokstrong long tanda, evriwan i sapraes long hem. An hemi gohed fo duim olketa bikfala samting wea yumi no save minim save.

Stori abaotem Job 38:35

?Waswe, yu save tokstrong nomoa long olketa laetning fo laet? ?Waswe, yu tingse olketa laetning save kam an tok olsem nomoa long yu, “Masta mifala long hia nao” ya?

Stori abaotem Job 6:4

God hu hemi garem evri paoa hemi mekem mi fo safa olsem man wea olketa sutim hem long olketa poesen aro. Poesen blong aro ya hemi go insaet long laef blong mi. Mi fraetem tumas an safa nao long olketa nogud trabol wea God hemi sendem agensim mi.

Sams 144:6

Plis yu sendem kam laetning, fo mekem olketa enemi blong yu i ranawe olobaot. Ya, plis yu sutim olketa wetem olketa aro blong yu, mekem olketa ranawe.

Sams 21:12

Bae yu sutim olketa long olketa aro blong yu, an bae yu mekem olketa taneraon an ranawe.

Sams 29:3

Olketa pipol i save herem strongfala voes blong Yawe antap long solwata. Voes blong God hu hemi hae fogud hemi bosta olsem tanda antap long solwata ya.

Sams 29:7

Voes blong Yawe hemi mekem laetning hemi laet.

Sams 77:17

Long taem yu ka-kam ya olketa klaod i mekem bikfala ren, an tanda hemi bosta long skae, an laetning hemi sut evriwea olsem olketa aro.

Sams 77:18

Yu mekem tanda ya hemi bosta bikfala fogud, an yu mekem laetning ya hemi laet long evri ples long wol, nao graon hemi seksek olsem man wea hemi fraet an hemi seksek.

Aesaea 30:30

Bae Yawe hu hemi King blong yumi, hemi mekem evri pipol fo herem bikfala voes blong hem. An bae hemi somaot paoa blong hem long olketa olsem wanfala faea wea hemi hot fogud an hemi bonem evrisamting. Ya, bae hemi kam olsem tanda an kamdaon olsem bikfala ren wetem olketa ston blong aes.

Joel 2:11

Yawe hemi tokstrong long olketa grashopa ya wea i olsem olketa soldia blong hem, an voes blong hem hemi bikfala tumas olsem tanda. Nomata olketa plande fogud an garem paoa, bat olketa obeim hem nomoa. Disfala De blong Yawe bae hemi barava had tumas. ?Hu nao hemi fitim fo stanap strong taem disfala De hemi kam?

Habakuk 3:11

Taem yu bin sut long aro an spia, wea i saen olsem laetning, san an mun i no muv.

Nambas 24:8

Yawe hemi lidim yufala kamaot from Ijip. Yufala strong fo faet olsem wael buluka wea no eniwan save stopem hem. So yufala bae spoelem olketa enemi blong yufala. An yufala bae pisisim olketa bon blong olketa, an sutim olketa dae wetem olketa aro blong yufala.

Diutronomi 32:23

Bae mi mekem yufala fo garem olketa bikfala trabol. Bae olketa trabol hemi kam long yufala olsem mi sutim aro blong mi long yufala.

Diutronomi 32:42

Olketa aro blong mi bae olketa suim long blad blong olketa. Naef fo faet blong mi bae hemi kaikaim bodi blong olketa, an bae hemi kilim olketa man long prisin dae, an katemaot hed blong olketa bikman blong enemi.’

Josua 10:10

Yawe hemi mekem olketa soldia blong Amoa i sek fogud an fraet tumas long ami blong Israel, so olketa ranawe krangge olobaot nao. Josua wetem ami blong hem i kilim dae plande long olketa long ples ya, an ronem evri narawan falom rod wea hemi go long olketa hil fo goap long taon long Bet-Horon. An olketa gohed fo ronem olketa an kilim olketa dae go-go kasem tufala taon long Aseka an Makeda long saot.

1 Samuel 2:10

Yawe bae hemi jajem pipol blong olketa ples long disfala wol. Bae hemi spoelem olketa enemi blong hem. Bae hemi stap long heven, fo faerem kam tanda long olketa. “An bae hemi givim paoa long king wea hemi bin siusimaot. Ya, bae hemi gohed fo liftimap hem an mekem hem fo win oltaem.”