Sams 16:10 - Pijin Bible

¹⁰ Mi barava sef, bikos yu no save letem mi go long Grev. Ya, yu no save letem mi hu mi tinghevi long yu, fo lus from yu taem mi dae.

Pijin Deuterocanon

¹⁰ Mi barava sef, bikos yu no save letem mi go long Grev. Ya, yu no save letem mi hu mi tinghevi long yu, fo lus from yu taem mi dae.

Sams 16:10 Iomraidhean Croise

Stori abaotem Job 11:8

Paoa blong God hemi hae tumas winim skae, an hemi barava had tumas fo yu save long hem. Olketa dip samting i dip tumas winim grev, bat yu nating save nomoa long ples ya.

Sams 139:8

Nomata mi goap long heven, bat yu long dea finis. An nomata taem mi dae an godaon insaet long grev, bat yu long dea finis tu.

Sams 49:15

Bat bae God hemi tekem mi an hemi sevem mi from dae.

Sams 9:17

Evri nogud pipol wea i tanem baeksaet long God, bae evriwan i mas dae.

Provebs 15:11

Sapos Yawe hemi save luk insaet long ples blong olketa man i dae, oraet, hemi save luk insaet long haat blong man.

Provebs 27:20

Man hu hemi gridi fo enikaen samting, hemi olsem ples blong olketa man wea i dae, hemi no save fulap.

Aesaea 14:9

“!King! Long Grev, olketa redi finis fo yu godaon long dea. An spirit blong olketa hu i bin lida long disfala wol bae i wekap fo welkam long yu. Ya, spirit blong olketa king long wol ya, bae i lusim olketa tron blong olketa fo joenem yu.

Aesaea 5:14

Grev hemi openem maos blong hem bikfala olsem wanfala wael animol hemi kaikai taem hemi hanggre tumas. An nomata pipol i garem biknem o nomoa, bae olketa go insaet long Grev wetem olketa pipol hu i hipap long taon an meknoes olobaot.

Daniel 9:24

“God hemi makem finis wea bihaen seventifala seven yia (hem nao 490 yia), bae hemi helpem olketa pipol blong yu wetem tambu taon ya long Jerusalem. Long en blong datfala taem, bae hemi finisim olketa sin blong yufala an olketa nogud wei blong yufala. An bae hemi mekem moa stretfala wei blong hem fo rul fo hemi stap olowe, mekem olketa spesol drim an olketa profesi fo kamap tru. From diswan nao, bae Tambuhaos ya hemi kamap holi moa.

Emos 9:2

Nomata olketa trae fo godaon fo haed insaet long grev, bae mi save tekem olketa nomoa fo kamap long antap. An nomata olketa trae fo ranawe goap long skae, bae mi save tekem olketa nomoa fo kamdaon.

Nambas 6:6

An olowe taem hemi wanfala Nasiraet, hemi mas no go kolsap long eni ded bodi.

Gudnius abaotem Jisas Kraes wea Luk hemi raetem 1:35

Nao enjel ya hemi sei, “Bae Holi Spirit hemi kamdaon antap long yu, an bae paoa blong God Antap hemi stap wetem yu. So bikos hemi olsem, disfala pikinini bae hemi holi an bae olketa kolem hem “San Blong God”.

Gudnius abaotem Jisas Kraes wea Luk hemi raetem 16:23

Nao ris man ya hemi barava safa tumas wea hemi stap long ples blong olketa man wea i dae finis. An taem hemi luk goap, hemi lukim Ebraham wea hemi stap farawe tumas, an hemi lukim Lasaros tu hemi stap long saet long hem.

Gudnius abaotem Jisas Kraes wea Luk hemi raetem 4:34

“?Jisas blong Nasaret, wanem nao yu wande fo duim long mifala? !Ating yu kam fo spoelem mifala ya! !Mi save long yu finis, olsem yu barava Holi man blong God ya!”

1 Korin 15:42

Nao taem God bae hemi mekem olketa pipol hu i dae finis fo laefbaek moa, bae hemi olsem tu. Bodi wea yumi berem, hemi no save stap longtaem. Bat bodi wea hemi laefbaek moa, hemi stap olowe nao.

Diutronomi 32:22

Kros blong mi hemi laet olsem bikfala faea wea hem save bonem evrisamting long disfala wol an godaon kasem ples blong olketa man dae. Bae hemi bonem evri gaden blong yufala, an hem save bonem andanit long olketa maonten tu.

Revelesin 1:18

!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae an mi garem paoa ovarem ples blong olketa pipol hu i dae finis.

Revelesin 20:13

Dae an ples blong man dae, tufala givim kam evri pipol hu i stap insaet, an si tu hemi givim kam evri pipol wea olketa dae insaet. An God hemi jajem evriwan ya, falom olketa samting wea olketa bin duim kam long laef blong olketa.