Sams 150:3 - Pijin Bible

³ Yumi preisim hem long olketa trampet. Ya, yumi preisim hem long olketa deferen kaen gita.

Pijin Deuterocanon

³ Yumi preisim hem long olketa trampet. Ya, yumi preisim hem long olketa deferen kaen gita.

Sams 150:3 Iomraidhean Croise

2 Samuel 6:15

So king wetem olketa pipol blong Israel i karim Tambu Boks kam antap long Jerusalem. Olketa hapi tumas, an olketa singaot an bloum trampet.

2 Samuel 6:5

Oraet, Deved an plande pipol blong Israel i barava dans fogud, an singsing fo liftimap nem blong Yawe. An olketa gohed fo ringim olketa kaen gita, an tamborin, an smolfala dram, an simbol blong olketa.

1 Kronikols 15:28

So taem evriwan long Israel i tekem kam Tambu Boks long Spesol Agrimen blong Yawe long Jerusalem, olketa gohed fo singaot bikfala, an barava hapi fogud. An olketa gohed fo bloum olketa kaen trampet, an ringim olketa simbol, an ringim enikaen gita.

1 Kronikols 16:42

Heman an Jedutun i lukaftarem olketa hu i bloum olketa trampet, an ringim olketa simbol, an pleim olketa narafala samting fo mekem miusik fo wosipim God. An olketa long laen blong Jedutun i gohed fo gadem geit blong tambuples ya.

1 Kronikols 25:1

King Deved wetem olketa lida blong olketa Livaet i siusimaot laen blong Asaf, an laen blong Heman, an laen blong Jedutun, mekem olketa lidim wosip. Waka blong olketa, hemi fo dans an singsing fo preisim God long taem olketa pleim simbol, an ringim olketa kaen gita. Nem blong olketa man wea i duim waka ya i olsem:

2 Kronikols 20:28

An taem olketa kam insaet long Jerusalem, olketa Livaet gohed fo ringim enikaen gita, an bloum olketa trampet, an olketa evriwan go long Tambuhaos blong Yawe.

2 Kronikols 5:13

Nao olketa man fo singsing i gohed fo singsing, an olketa prist i gohed fo bloum olketa trampet, an olketa narafala man i gohed fo pleim simbol an gita. Olketa nao i mekem singsing blong olketa fo barava here gudfala tumas. Olketa singsing fo preisim Yawe olsem, “Hemi gud tumas, an hemi tinghevi long yumi olowe.” Den wanfala klaod hemi fulumapem Tambuhaos,

Sams 108:2

!Olketa gita blong mi, yufala mas wekap! !Bae mi wekapem san ya!

Sams 149:3

Yumi mas dans fo preisim nem blong hem, an yumi mas bitim olketa dram an ringim olketa gita fo preisim hem.

Sams 33:2

Yufala mas ringim gita an singsing fo talem tengkiu long Yawe, an yufala mas mekem stringban fo preisim hem.

Daniel 3:5

Taem yufala herem saon blong olketa trampet, an olketa bambu paep, an olketa gita, wetem olketa narafala samting moa fo mekem miusik, bae yufala evriwan mas baodaon fo wosipim gol kaving ya wea King Nebukadnesa hemi stanemap.

Nambas 10:10

An olketa mas bloum tufala trampet ya long taem wea yufala hapi an mekem fist, an long taem blong olketa fist wea Lo hemi talem wetem olketa Fist blong Niumun. An olketa mas bloum tu taem yufala kam fo mekem olketa sakrifaes wea i barava bone, an olketa sakrifaes fo somaot dat yufala stapgud wetem mi. Saon blong trampet nao bae hemi mekem yufala fo tingim dat mi nao Yawe, God blong yufala.”