Sams 15:3 - Pijin Bible

³ an hemi no save laea abaotem olketa narafala pipol. Hemi no save duim olketa nogud samting long olketa fren blong hem, an hemi no save spredem nogud toktok fo spoelem nem blong olketa wea i stap raonem hem.

Pijin Deuterocanon

³ an hemi no save laea abaotem olketa narafala pipol. Hemi no save duim olketa nogud samting long olketa fren blong hem, an hemi no save spredem nogud toktok fo spoelem nem blong olketa wea i stap raonem hem.

Sams 15:3 Iomraidhean Croise

Provebs 22:10

Ronemaot man hemi laek fo tokspoelem nara man, raoa bae finis, faet bae finis, an toknogud bae finis.

Provebs 25:3

Olsem skae hemi antap tumas, an dipsi hemi dip tumas, yu no save long tingting blong bikman.

Aesaea 56:2

Bae mi blesim olketa hu i kipim Sabat de, an olketa hu i falom rul blong de ya. Ya, bae mi blesim olketa hu i no duim eni nogud samting.”

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

Matiu 7:12

“Wanem yufala laekem olketa nara pipol fo duim long yufala, hem tu yufala mas duim long olketa. Diswan nao hemi mining blong Lo blong Mosis an tising blong olketa profet.

Leta wea Pol hemi raetem go long sios long Rom 1:30

Olketa tokspoelem nara pipol, an olketa heitem God, an olketa spoelem nem blong nara man, an olketa praod tumas, an olketa tinghae long olketa seleva nomoa. Olketa save tingabaotem enikaen wei fo duim olketa ravis samting, an olketa nating obeim mami an dadi blong olketa.

Leta wea Pol hemi raetem go long sios long Rom 12:17

Sapos eniwan duim ravis samting long yufala, yufala mas no sensimbaek, bat yufala mas duim nomoa wanem hemi stret long ae blong evriwan.

Leta wea Pol hemi raetem go long sios long Rom 13:10

Man hu hemi lavem olketa nara pipol, hemi no save duim enisamting fo spoelem olketa. Dastawe disfala wei fo lavem nara man, hemi barava wei fo falom Lo blong God.

Taetas 3:2

An olketa mas no tok nogud agensim eniwan, an mas no raoa. Bat olketa mas kaen an frengud long evriwan.

Jemes 4:11

Olketa Kristin fren, yufala mas no tokspoelem nara man. Sapos yu spoelem nara Kristin fren o yu jajem hem, yu tokspoelem an jajem Lo blong God. An sapos yu jajem Lo, bae yu no man fo obeim Lo ya, bat yu man fo jajem Lo nomoa.

3 Jon 1:11

Gudfala fren blong mi, yu no falom olketa ravis wei olsem bat yu mas falom olketa gudfala wei nomoa. Eniwan hu hemi duim gudfala samting, hemi blong God nao. Bat eniwan hu hemi duim olketa ravis samting, hemi no luksave long God.

1 Samuel 24:11

!Dadi, yu luk kam long pis kaleko ya! !Hem blong yu ya! !Sapos mi wande kilim yu dae, mi save kilim yu dae finis! !Bat mi katem nomoa pis kaleko blong yu! !Yu mas luklukgud long samting ya, hem mas mekem yu save dat mi nating agensim yu, an mi nating tingting fo spoelem yu! !Mi no mekem eni nogud samting long yu, bat yu lukaotem mi fo kilim mi dae!