Sams 149:1 - Pijin Bible

¹ !Yumi preisim Yawe! Yumi mas singim wanfala niufala singsing long Yawe. Ya, yumi mas preisim hem taem yumi hu i tinghevi long hem i kam tugeta fo wosip.

Pijin Deuterocanon

¹ !Yumi preisim Yawe! Yumi mas singim wanfala niufala singsing long Yawe. Ya, yumi mas preisim hem taem yumi hu i tinghevi long hem i kam tugeta fo wosip.

Sams 149:1 Iomraidhean Croise

Sams 111:1

!Yumi preisim Yawe! Long ful laef blong mi bae mi talem tengkiu long Yawe long ae blong olketa pipol hu i hipap fo wosipim hem.

Sams 116:18

Long ae blong olketa pipol blong yu hu i hipap fo wosipim yu long Tambuhaos blong yu long Jerusalem, bae mi givim evrisamting wea mi bin promisim. !Yumi preisim Yawe!

Sams 144:9

God, bae mi singim wanfala niufala singsing long yu. Ya, bae mi ringim gita blong mi an mi singsing go long yu.

Sams 148:1

!Yumi preisim Yawe! !Preisim hem, yufala evriwan hu i stap long heven!

Sams 22:22

Nao bae mi talem olketa wantok blong mi abaotem wanem yu bin duim long mi. Ya, bae mi preisim yu taem olketa hipap fo wosipim yu.

Sams 22:25

Nao long ae blong olketa pipol blong yu, bae mi preisim yu. An long ae blong olketa wea i gohed fo wosipim yu, bae mi mekem olketa sakrifaes ya wea mi bin promisim.

Sams 33:3

Hemi gud fo yufala mas singim wanfala niufala singsing long Yawe. Ya yufala mas ringim olketa gita ya gudfala, an singaot wetem olketa hapi singsing.

Sams 35:18

Nao bae mi tengkiu long yu long ae blong olketa pipol blong yu. Ya, bae mi preisim yu tu long ae blong olketa evriwan.

Sams 68:26

Olketa singsing olsem, “Yumi preisim Yawe, taem yumi pipol blong hem i kam tugeta. Ya, yumi evriwan long olketa traeb blong Jekob, yumi mas preisim Yawe.”

Sams 89:5

Lod Yawe, olketa long heven i singsing an preisim yu fo olketa gudfala samting wea yu duim. Ya, olketa holi enjel i singsing abaotem gudfala wei wea yu kipim olketa promis blong yu.

Sams 96:1

!Yufala mas mekem wanfala niufala singsing fo preisim Yawe! !Evriwan long wol, yufala mas singsing long Yawe!

Sams 98:1

Yumi mas singim wanfala niufala singsing fo preisim Yawe bikos hemi bin duim olketa bikfala samting. Hemi winim finis olketa enemi blong hem long faet. Ya, hemi win long paoa blong hem wea hemi holi an hemi strongfala tumas.

Aesaea 42:10

!Evri pipol long wol wetem evrisamting wea hemi stap long hem! !Yumi singim wanfala niufala singsing fo preisim Yawe! Yufala hu i go long sip, yufala mas preisim hem. Yufala evrisamting wea hemi stap insaet long solwata, yufala mas preisim hem. Yufala long saetsi an long olketa farawe aelan, yufala evriwan mas preisim hem.

Hibrus 2:12

wea hemi sei long God olsem, “Bae mi talemaot long olketa brata blong mi wanem yu bin duim. Ya, bae mi preisim yu taem olketa hipap fo wosipim yu.”

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.