Sams 148:9 - Pijin Bible

⁹ Yufala evri maonten an evri hil, yufala mas preisim hem. Ya, yufala evri tri wea yufala garem frut an evri tri long bus, yufala mas preisim hem.

Pijin Deuterocanon

⁹ Yufala evri maonten an evri hil, yufala mas preisim hem. Ya, yufala evri tri wea yufala garem frut an evri tri long bus, yufala mas preisim hem.

Sams 148:9 Iomraidhean Croise

Aesaea 42:11

Bikfala drae eria, wetem olketa taon wea i stap long yu, yufala mas preisim Yawe. Olketa pipol blong Kedaa long ist, yufala mas preisim hem. Olketa pipol blong taon long Sela, yufala mas go antap long hil, an singaot bikfala. Ya, talemaot bikfala wea yufala hapi tumas.

Aesaea 44:23

(Profet) !Yufala evrisamting long skae an evrisamting long wol! !Yufala mas hapi an singsing! !Yufala olketa maonten an evri tri long hem! !Yufala tu mas hapi an singaot bikfala! Yufala mas mekhae long Yawe, bikos hem nao hemi mekem olketa pipol blong hem fo kamap fri, an hemi somaot bikfala paoa blong hem long olketa blong Israel.

Aesaea 49:13

!Skae an graon, yutufala mas hapi an singaot bikfala! !Olketa maonten, yufala mas singsing! Bikos Yawe hemi mekem mifala olketa pipol blong hem, fo filgud moa. Ya, bae hemi sore long mifala hu bin safa tumas.

Aesaea 64:1

!Lod Yawe! !Plis yu brekem skae open an kamdaon! Olketa maonten ya i save lukim yu, an bae olketa fraet an seksek fogud.