Sams 145:4 - Pijin Bible

⁴ Lod Yawe, oltaem bae olketa pipol blong yu i preisim yu fo olketa gudfala samting wea yu bin duim fo olketa, an olketa pikinini wea bae i bon kam long laen blong olketa. Ya, oltaem bae olketa talemaot olketa bikfala waka blong yu.

Pijin Deuterocanon

⁴ Lod Yawe, oltaem bae olketa pipol blong yu i preisim yu fo olketa gudfala samting wea yu bin duim fo olketa, an olketa pikinini wea bae i bon kam long laen blong olketa. Ya, oltaem bae olketa talemaot olketa bikfala waka blong yu.

Sams 145:4 Iomraidhean Croise

Esta 9:28

An evriwan i agri wea evriwan hu bae i bon kam bihaen long olketa, mas oltaem kipim tufala de ya blong Purim. An long evri provins an long evri taon, olketa Jiu evriwan mas tingim fo mekem fist ya evri yia.

Stori abaotem Job 8:10

Hemi gud fo yu herem olketa waes toktok blong olketa olo blong yumi bifoa. Olketa olo save talemaot olketa gud samting fo yu.

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Diutronomi 4:10

Talemaot stori blong de wea olketa olo blong yufala i kam long maonten long Horeb fo stanap frant long Yawe, God blong yufala. Long datfala taem, hemi tok olsem long mi, ‘Mekem olketa pipol fo kam tugeta kolsap long mi. Mi laekem olketa fo herem evrisamting wea bae mi talem long olketa. Long disfala wei, olketa save tinghae long mi olowe long laef blong olketa, an olketa save tisim olketa pikinini blong olketa fo tinghae long mi tu.’

Diutronomi 6:7

Oltaem, yufala mas tisim go long olketa pikinini blong yufala. Taem yufala stap long haos, o yufala gohed fo wakabaot, o yufala go fo slip, o yufala stanap moa, yufala mas tokabaotem olketa samting ya.