Sams 14:6 - Pijin Bible

⁶ Olketa nogud pipol ya i laek fo spoelem tingting blong olketa pua pipol, bat Yawe hemi gohed fo gadem olketa.

Pijin Deuterocanon

⁶ Olketa nogud pipol ya i laek fo spoelem tingting blong olketa pua pipol, bat Yawe hemi gohed fo gadem olketa.

Sams 14:6 Iomraidhean Croise

Sams 142:5

Lod Yawe, mi kol kam long yu. Plis yu helpem mi, bikos yu nao yu sefples blong mi. Yu nomoa yu evrisamting wea mi garem long disfala laef.

Sams 3:2

Olketa tok olsem abaotem mi, “Bae God hemi no save helpem hem.”

Sams 4:2

?Fo hao long nao bae yufala gohed fo tokspoelem mi? ?An fo hao long nao bae yufala gohed fo laekem olketa samting wea i nogud? ?An fo hao long nao bae yufala gohed fo aftarem olketa laea wei?

Sams 40:17

Masta, nomata mi pua, an mi wik, yu tingim mi olowe nomoa. God blong mi, yu nao save sevem mi, so plis yu kam kuiktaem fo helpem mi. (Singsing blong Deved.)

Sams 42:10

Olketa ravis toktok blong olketa hemi spoelem mi tumas nao. Oltaem olketa enemi i tokspoelem mi olsem, “?Wea nao God blong yu ya?”

Sams 46:1

God nao hemi sefples blong yumi, an hemi mekem yumi strong. Hemi redi fo helpem yumi long olketa taem blong trabol.

Sams 9:9

Lod Yawe, yu nao yu sef ples blong olketa pipol, wea olketa narafala pipol i gohed fo spoelem olketa. Yu nao yu sef ples blong olketa, long taem blong trabol.

Esikiel 35:10

“Nomata mi lukaftarem tufala kantri long Jiuda an Israel, bat yufala nating tinghevi nomoa long mi, an yufala tok olsem, ‘Bae lan blong tufala kantri ya i blong yumi, an bae yumi go tekova long hem.’

Daniel 3:15

Oraet, taem yutrifala herem moa saon blong olketa samting ya fo mekem miusik, yutrifala mas baodaon fo wosipim kaving ya. ?Waswe, yutrifala redi nao fo baodaon an wosipim disfala kaving wea mi bin mekem? Sapos yutrifala no laekem, bae olketa torowem yutrifala insaet long disfala bikfala boks wea faea hemi laet bikfala insaet. ?Waswe, yutrifala tingse eni god hemi save sevem yutrifala from paoa blong mi?”

Hibrus 6:18

So God hemi talemaot dat bae hemi blesim laen blong Ebraham an hemi mekem strongfala promis fo duim olsem. Tufala samting ya no save sens bikos God no save laea. An yumi hu i trastem God fo hemi kipim yumi sef, tufala samting ya save strongim tingting blong yumi fo holestrong long biliv wea bae hemi duim wanem hemi promisim.