Sams 139:21 - Pijin Bible

²¹ Lod Yawe, mi barava heitem olketa hu i heitem yu. Ya, mi barava les long olketa bikos olketa gohed fo agensim yu.

Pijin Deuterocanon

²¹ Lod Yawe, mi barava heitem olketa hu i heitem yu. Ya, mi barava les long olketa bikos olketa gohed fo agensim yu.

Sams 139:21 Iomraidhean Croise

2 Kronikols 19:2

Bat Profet Jehu hu hemi san blong Profet Hanani, hemi kam mitim king, an hemi tokstrong olsem long hem, “?Waswe, hemi stret fo yu go helpem ravis man, fo laekem datfala man hu hemi les long Yawe? !Yawe hemi kros tumas long yu from samting ya!

Sams 119:136

Taem mi lukim olketa pipol i no save obeim olketa gudfala tising blong yu, mi barava sore tumas an mi krae.

Sams 119:158

Mi barava les tumas long olketa wantok hu i no trastem yu, bikos olketa no obeim olketa lo blong yu.

Sams 15:4

Hemi no laekem olketa pipol wea i oltaem falom olketa ravis wei, bat hemi gohed fo tinghae long olketa pipol wea i gohed fo obeim yu. Hemi gohed olowe fo duim olketa samting wea hemi promisim, nomata hemi had tumas long hem.

Sams 26:5

Mi nating laek fo fren wetem olketa ravis pipol, an mi barava les fo joenem olketa nogud pipol ya.

Sams 31:6

Yu barava heitem olketa wea i gohed fo trastem olketa laea god, bat mi gohed fo trastem yu olowe.

Jeremaea 13:17

Bat sapos yufala no herem toktok ya, bae mi go long ples wea man hemi no save lukim mi, an mi gohed fo krae fo yufala, bikos yufala praod tumas. Bae mi barava krae, an tias blong mi i ran bikfala, bikos olketa enemi blong yumi bae olketa kam winim yumi an fosim yumi fo stap long narafala ples.

Gudnius abaotem Jisas Kraes wea Mak hemi raetem 3:5

An Jisas hemi lukstrong long olketa, an hemi kros tumas long olketa bikos olketa barava bikhed tumas. Bat semtaem tu hemi sore tumas long olketa. An hemi talem olsem long man ya, “Yu stretem han blong yu.” Taem man ya hemi stretem han blong hem nomoa, han blong hem hemi barava gudbaek nao.

Gudnius abaotem Jisas Kraes wea Luk hemi raetem 19:41

Nao Jisas hemi kam kolsap long Jerusalem, an taem hemi lukim taon ya, hemi krae nao bikos hemi sore tumas long hem.

Revelesin 2:2

Mi save abaotem yufala finis, yufala barava wakahad tumas an yufala gohed nomoa fo stap strong. Mi save dat yufala nating laekem olketa pipol hu i falom ravis wei. An mi save dat yufala traem finis olketa hu i laea an talem dat olketa i aposol, an yufala faendemaot dat olketa barava laea nomoa.

Revelesin 2:6

Bat wanfala samting yufala duim gud nao hemi olsem. Yufala barava les long wei blong olketa pipol hu i falom tising blong Nikolas, olsem mi tu mi barava les long wei blong olketa.