Sams 136:8 - Pijin Bible

⁸ Hemi mekem san fo saen long de. Ya, bikos hemi tinghevi long yumi olowe.

Pijin Deuterocanon

⁸ Hemi mekem san fo saen long de. Ya, bikos hemi tinghevi long yumi olowe.

Sams 136:8 Iomraidhean Croise

Jenesis 1:16

Hemi mekem san wea i save saen strong, mekem hemi gohed fo saen long de, an hemi mekem mun wea i no save saen strong olsem san, mekem hemi gohed fo saen long naet. An hemi mekem olketa sta tu.

Sams 148:3

!Preisim hem, yutufala san an mun! !Preisim hem, yufala olketa sta!

Sams 74:16

Yu nao yu mekem de an naet, an yu putum san an mun long barava ples blong tufala.

Jeremaea 31:35

God, hu hemi putum san fo laet long de, an hemi putum mun an olketa sta fo saen long naet, an hu hemi garem paoa fo mekem solwata hemi kamap raf tumas an mekem bikfala noes, nem blong disfala God nao: Yawe hu hemi garem evri paoa. Yawe nao hemi tok olsem,

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.