Sams 136:24 - Pijin Bible

²⁴ Hemi mekem yumi fri from olketa enemi blong yumi Ya, bikos hemi tinghevi long yumi olowe.

Pijin Deuterocanon

²⁴ Hemi mekem yumi fri from olketa enemi blong yumi Ya, bikos hemi tinghevi long yumi olowe.

Sams 136:24 Iomraidhean Croise

Nehemaea 9:27

From disfala samting nao, yu letem olketa enemi i kam winim olketa, an mekem olketa safa. Long taem blong trabol ya, olketa kraeaot long yu, nao yu herem olketa long heven, an yu helpem olketa. Bikos yu barava sore long olketa, yu sendem olketa sif fo sevem olketa from paoa blong olketa enemi.

Sams 107:2

Letem yumi wea Yawe bin sevem, talem toktok ya an preisim hem olowe. Ya, hemi mekem yumi fri from olketa enemi blong yumi.

Eksodas 15:13

“Mifala i pipol blong yu, an yu tinghevi long mifala olowe, nao yu mekem mifala fri, an yu gohed fo lidim mifala. An long paoa blong yu, yu gohed fo somaot rod long mifala, mekem mifala go kasem holi ples ya yu bin promisim fo mifala.

Aesaea 63:9

Taem blong trabol, Yawe hemi sore long olketa, an hem seleva nao hemi sevem olketa. Hemi lavem olketa tumas, an hemi sore tumas long olketa, dastawe nao hemi sevem olketa an hemi mekem olketa fo kamap fri. Stat kam bifoa yet, hem nao hemi gohed fo lukaftarem olketa,

Diutronomi 15:15

Yufala mas rimembarem taem wea yufala i slev long Ijip an Yawe hemi mekem yufala gofri. Dastawe mi talem disfala strong toktok long yufala tude.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.