Sams 135:6 - Pijin Bible

⁶ Hemi save duim nomoa enisamting wea hemi laekem, long skae an long graon, long solwata an insaet long dipsi.

Pijin Deuterocanon

⁶ Hemi save duim nomoa enisamting wea hemi laekem, long skae an long graon, long solwata an insaet long dipsi.

Sams 135:6 Iomraidhean Croise

Stori abaotem Job 42:2

Mi save dat yu garem evri paoa, an yu save duim nomoa evrisamting wea yu planem.

Sams 115:3

God blong yumi hemi stap long heven, an hemi garem paoa fo duim evrisamting wea hemi laekem.

Sams 33:11

Bat olketa plan blong Yawe i gohed fo stap strong olowe. Ya, plan blong hem hemi no save finis.

Sams 33:9

Taem hemi tok nomoa, wol ya hemi kamap nao. Toktok blong hem hemi mekem evrisamting fo kamaot.

Aesaea 46:10

Longtaem bifoa yet, mi talemaot finis olketa samting wea hemi hapen. Longtaem bifoa, mi talemaot finis olketa samting wea bae hemi hapen bihaen. Mi talem finis dat olketa plan blong mi bae hemi kam tru, an bae mi duim evrisamting wea mi laekem.

Daniel 4:32

Bae olketa pipol i ronem yu aot from ples wea olketa pipol i stap long hem, an bae yu stap wetem olketa wael animol. An fo sevenfala yia, bae yu kaikaim gras olsem buluka. Bihaen long taem ya, bae yu jes save dat mi nao God hu hemi barava hae tumas, an mi nao mi gohed fo rul ovarem evri kingdom long disfala wol, an mi save givim paoa blong olketa king fo go long eniwan wea mi siusim.”

Daniel 4:35

Evri pipol long wol, i olsem nating nomoa long ae blong hem. Ya, evri enjel long heven an evri pipol long wol i stap nomoa andanit long paoa blong hem. No eniwan long wol save agensim hem, an no eniwan save askem hem olsem, ‘?Wanem nao yu duim ya?’

Emos 4:13

God nao hemi garem paoa fo mekem olketa maonten, hem tu hemi save mekem win fo hemi blou, an hemi letem olketa pipol fo save long tingting blong hem. Hemi garem paoa fo mekem delaet fo hemi tudak. Hemi hae tumas, an hemi gohed fo rul long evri ples long wol. Nem blong hem nao Yawe, God hu hemi garem evri paoa.

Emos 9:6

Yawe hemi mekem ples blong hem antap go long skae, an hemi mekem wanfala samting olsem bikfala ruf antap long disfala wol. Hemi garem paoa fo mekem wata hemi goap long skae, an fo mekem hem kamdaon moa long wol olsem ren. !Ya, nem blong hem nao, Yawe!

Matiu 14:25

Kasem kolsap delaet nomoa, Jisas hemi kam long olketa nao wea hemi wakabaot kam nomoa antap long wata ya.

Matiu 28:18

Long taem ya, Jisas hemi kam kolsap long olketa an hemi tok olsem, “God hemi givim finis evri paoa long mi ovarem evrisamting long heven an long disfala wol.