Sams 135:12 - Pijin Bible

¹² Hemi givim graon blong olketa king ya long yumi olketa pipol blong hem long Israel.

Pijin Deuterocanon

¹² Hemi givim graon blong olketa king ya long yumi olketa pipol blong hem long Israel.

Sams 135:12 Iomraidhean Croise

Sams 78:55

Nao taem olketa pipol blong hem i no kasem ples ya yet, hemi ronemaot olketa hiden pipol wea i stap long dea. Nao hemi divaedem graon blong olketa hiden pipol ya long olketa laen blong Israel, an hemi letem olketa pipol blong hem fo tekova long olketa haostent blong olketa pipol ya.

Nambas 33:54

Bae yufala mas divaedem olketa lan ya go long olketa traeb blong yufala, falom namba blong olketa. Bikfala lan hemi mas go long bikfala traeb, an smolfala lan hemi mas go long smolfala traeb. An yufala mas yusim tufala spesol ston fo divaedem olketa lan ya, an long wei wea tufala ston i foldaon hem nao wei wea evri traeb save garem lan blong hem.

Diutronomi 29:8

An yufala tekova long lan blong tufala. An yumi divaedem olketa fo givim go long traeb blong Ruben, an long traeb blong Gad, an long haf blong traeb blong Manase.

Josua 11:23

Josua wetem ami blong hem i tekova long evri lan long olketa eria ya, olsem wea Yawe bin talem bifoa long Mosis. An bihaen, Josua hemi divaedem evri lan ya long tuelfala traeb blong Israel. An bihaen, olketa stap kuaet moa an garem piis.

Josua 12:7

Josua wetem olketa ami blong hem i winim evri paramaon sif, stat long taon long Balgad long vali long Lebanon long not go-go kasem maonten long Halak long saot wea hemi kolsap long eria long Idom. Bihaen, Josua hemi divaedem olketa lan ya go long olketa traeb blong Israel.