Sams 132:9 - Pijin Bible

⁹ Plis yu mekem olketa prist blong yu fo duim olketa stretfala samting olowe, an mekem olketa hu i tinghevi long yu i hapi an singaot bikfala.

Pijin Deuterocanon

⁹ Plis yu mekem olketa prist blong yu fo duim olketa stretfala samting olowe, an mekem olketa hu i tinghevi long yu i hapi an singaot bikfala.

Sams 132:9 Iomraidhean Croise

2 Kronikols 6:41

“O Yawe God, plis yu kam an stap olowe long ples blong yu wetem Tambu Boks wea hemi saen blong bikfala paoa blong yu. O Yawe God, plis yu mekem olketa prist blong yu fo lukluk olowe long yu mekem yu sevem olketa, an mekem olketa hu i tinghevi long yu fo barava hapi tumas long olketa gudfala wei blong yu.

Stori abaotem Job 29:14

Long datfala taem, stretfala wei hemi olsem kaleko blong mi, an wei fo mekem evrisamting stret, hemi olsem kaleko wea mi werem olowe.

Sams 104:1

!Oltaem mi laekem tumas fo preisim Yawe! Yu nao yu God blong mi hu hemi hae tumas. !Hae nem blong yu an paoa blong yu nao hemi mekem yu King,

Sams 132:16

Bae mi blesim evrisamting wea olketa prist long ples ya i duim. An olketa hu i tinghevi long mi long ples ya bae i singsing an singaot bikfala bikos olketa hapi tumas.

Sams 149:5

Yumi hu i tinghevi long hem, yumi mas hapi bikos yumi win long faet. Ya, yumi mas hapi an singsing go-go kasem delaet.

Sams 47:1

!Yufala evriwan long evri ples, yufala mas klapem han! !Yufala mas singsing bikfala fo preisim God long olketa hapi singsing!

Sams 68:3

Bat olketa stretfala pipol wea i kam long God, hemi gud tumas fo olketa barava hapi. Ya, hemi gud tumas fo olketa hapi an singaot.

Sams 70:4

Bat evriwan hu i kam long yu, hemi gud tumas fo yu mekem olketa hapi olowe. Olketa hu i talem tengkiu long yu, bikos yu sevem olketa, hemi gud tumas fo olketa ya fo tok olsem olowe, “!God nao, hemi hae tumas!”

Sams 93:1

!Lod Yawe, yu nao yu king! Ya, hae nem blong yu an paoa blong yu nao hemi mekem yu kamap king. Yu bin mekem disfala wol ya, wea hemi stap strong long ples blong hem an hemi no save muv.

Aesaea 61:10

Bae olketa pipol blong Jerusalem i tok olsem, “Long evri tingting blong mifala, mifala hapi tumas dat Yawe hemi God blong mifala. Wei wea hemi sevem mifala an mekem mifala fo falom stretfala wei blong hem, hemi mekem mifala hapi fogud, an mifala i olsem nao boe an gele hu i werem spesol kaleko an redi fo marit.

Aesaea 65:14

Bae olketa wakaman blong mi i hapi an singsing, bat bae yufala barava sore an krae.

Sefenaea 3:14

!Pipol blong Israel, yufala mas hapi an singaot! !Olketa pipol blong Jerusalem, yufala save hapi tumas long tingting blong yufala!

Sekaraea 9:9

Yawe hemi tok olsem, ?!Olketa pipol blong Saeon! !Yufala mas barava hapi! !Olketa pipol blong Jerusalem! !Yufala mas singaot bikfala! !Yufala lukim! King blong yufala hemi kam nao. Wei blong hem hemi stret olowe, an hemi winim finis olketa enemi blong hem. Bat hemi no haemapem hem seleva, an hemi raed kam antap long wanfala yang dongki.

Leta wea Pol hemi raetem go long sios long Rom 13:14

Bat yufala mas holetaet long Masta blong yumi Jisas Kraes, mekem yufala redi fo faetem eni nogud samting. An yufala mas no tingting fo falom wei blong sin.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”

Revelesin 19:8

Gele ya, God hemi givim hem finis nambawan waet kaleko fo werem, wea hemi klin an saen fogud.” (Nambawan kaleko ya, hemi piksa blong olketa stretfala wei blong olketa pipol blong God.)

Jajis 5:31

“Lod Yawe, letem olketa enemi blong yu i dae long sem wei wea Sisera hemi dae. Bat letem evriwan hu i lavem yu i saen olsem san wea hemi kamap long moning.” So lan blong Israel hemi stap long piis fo foti yia.