Sams 129:6 - Pijin Bible

^6-7 Hemi gud tumas sapos yu mekem olketa fo kamap olsem gras wea hemi grou nomoa antap long ston, an hemi no fitim fo eniwan fo katem hem fo yusim. Hemi laef fo lelebet taem nomoa den hemi dae nao.

Pijin Deuterocanon

^6-7 Hemi gud tumas sapos yu mekem olketa fo kamap olsem gras wea hemi grou nomoa antap long ston, an hemi no fitim fo eniwan fo katem hem fo yusim. Hemi laef fo lelebet taem nomoa den hemi dae nao.

Sams 129:6 Iomraidhean Croise

Jenesis 41:23

Nao mi lukim narafala stik blong wit moa, wea hemi garem sevenfala smolfala bans long hem wea i drae tumas an kolsap dae nao, bikos hot win blong drae eria ya hemi bonem wit ya tumas.

2 Kings 19:26

Olketa pipol long olketa taon ya i wikdaon, an fraet, an filsem tumas. Olketa i olsem gras long open ples, o gras wea hemi grou antap ruf long haos, wea hot win hemi bloum go-go hemi dae nomoa.

Sams 37:2

bikos, no longtaem, bae olketa ya i lus olsem gras wea i dae long draetaem.

Sams 92:7

Samting ya nao hemi olsem, olketa nogud pipol save grouap gudfala olsem gras, an olketa wea i duim olketa nogud samting olketa save garem gudfala laef long disfala wol, bat, bae yu spoelem olketa finis.

Aesaea 37:27

Olketa pipol long olketa taon ya i wikdaon, an fraet, an filsem tumas. Olketa i olsem gras long open ples, o gras wea hemi grou antap ruf long haos, wea hot win hemi bloum go-go hemi dae nomoa.

Matiu 13:6

Bat taem san hemi hot tumas, olketa dae nao bikos rut blong olketa hemi no godaon tumas.