Sams 129:4 - Pijin Bible

⁴ Bat Yawe hu hemi stret fogud, hemi mekem yumi fri finis from olketa enemi blong yumi.

Pijin Deuterocanon

⁴ Bat Yawe hu hemi stret fogud, hemi mekem yumi fri finis from olketa enemi blong yumi.

Sams 129:4 Iomraidhean Croise

Esra 9:15

“O Yawe God blong Israel. Oltaem yu jaj long stretfala wei. Mifala pipol blong yu hu i laef yet, mifala stap nomoa bikos yu letem mifala fo stap laef. Bat from bikfala sin blong mifala, hemi fitim fo mifala mas panis, an hemi no fitim fo mifala save stanap frant long yu.”

Nehemaea 9:33

Long evri had samting ya wea hemi kasem mifala, yu bin gohed fo falom stretfala wei fo panisim mifala olsem. Nomata yu gohed fo kipim olketa promis blong yu, mifala gohed fo falom nogud wei.

Sams 119:137

Lod Yawe, yu nao yu stret fogud, an olketa rul blong yu hemi stret tu.

Sams 7:12

Sapos olketa nogud pipol ya i no sensim wei blong olketa, bae God hemi sapanem naef blong hem fo faet, fo kilim olketa dae. An bae hemi taetem string long bou blong hem fo hemi sutim olketa.

Lamentesin 1:18

“Yawe hemi stret fogud, bat mi les fo obeim lo blong hem. !Lisin kam, yufala pipol blong wol ya! !Lukim kam long wei wea mi safa! Olketa yang man an mere blong mi, olketa enemi i fosim olketa fo lusim lan, an go stap long narafala kantri.

Lamentesin 3:22

Wei blong Yawe fo tinghevi long yumi, hemi no save finis. Wei blong hem fo sore an kaen long yumi, hemi gohed olowe nomoa.

Daniel 9:7

Masta, oltaem nomoa yu gohed fo duim olketa samting wea hemi stret. Bat mifala nao, oltaem mifala gohed fo meksem nomoa long mifala seleva. Olketa pipol blong Jiuda, an olketa pipol long Jerusalem, an evri pipol blong Israel wea yu ronemaot olketa an stap kam olobaot long wol, mifala evriwan i semsem nomoa. Mifala evriwan i nating kipim nomoa promis wea mifala mekem wetem yu.