Sams 128:3 - Pijin Bible

³ Waef blong yu bae hemi garem plande pikinini, olsem grep tri wea hemi garem plande frut long hem, an olketa pikinini ya bae i stap raonem tebol blong yu olsem olketa smolfala oliv tri wea i grou raonem botom blong tri.

Pijin Deuterocanon

³ Waef blong yu bae hemi garem plande pikinini, olsem grep tri wea hemi garem plande frut long hem, an olketa pikinini ya bae i stap raonem tebol blong yu olsem olketa smolfala oliv tri wea i grou raonem botom blong tri.

Sams 128:3 Iomraidhean Croise

Jenesis 49:22

Josef, yu olsem wanfala grep tri wea hemi gohed fo grou kolsap long springwata, an hemi gohed fo garem plande frut blong hem, an olketa brans blong hem i bikfala an gohed fo hangdaon kam from antap long wolston.

1 Kronikols 8:40

Olketa san blong Ulam i barava gudfala soldia, an olketa i nambawan man fo sut long bou. Olketa long laen blong Ulam i kasem 150 man. Nao evriwan long olketa ya i blong traeb blong Benjamin.

Sams 127:3

Olketa pikinini blong yumi, olketa nao wanfala presen wea Yawe hemi givim long yumi. Olketa ya i olsem wanfala gud samting wea hemi givim fo lukaftarem yumi.

Sams 127:5

Sapos yumi garem plande pikinini, bae yumi save hapi, bikos taem olketa enemi blong yumi i tekem yumi go long kot, bae olketa nating save winim yumi. (Olketa singim disfala singsing taem olketa goap fo fist long Jerusalem.)

Sams 144:12

Hemi gud tumas sapos olketa san blong mifala i kamap strong taem olketa i yang, olsem olketa tri wea i grou gudfala. An hemi gud tumas sapos olketa dota blong mifala i kamap strong an luk naes tu, olsem olketa pos long kona long haos blong king wea i stap fo dekoretem haos ya.

Sams 52:8

Bat mi ya, mi olsem wanfala oliv tri wea hemi grou an hemi stap sef insaet long Tambuhaos blong God. Oltaem, God hemi lavem tumas olketa pipol, an bae mi trastem yu bikos yu tinghevi long mifala olowe.

Jeremaea 11:16

“Bifoa, mi bin gohed fo talem dat yufala i olsem wanfala gudfala oliv tri, wea olketa lif an olketa frut blong hem i gudfala tumas. Bat distaem, wetem bikfala noes olsem tanda an laetning, bae mi brekem olketa branis blong hem, an mi bonem olketa lif blong hem long faea.

Esikiel 19:10

Mami blong yutufala bin olsem grep tri wea hemi garem plande niufala smol brans, bikos olketa plantem saet long riva. Hemi grou gudfala tumas, an hemi garem staka frut bikos hemi grou long ples wea hemi garem plande wata.

Leta wea Pol hemi raetem go long sios long Rom 11:24

God hemi bin joenem yufala go long disfala barava oliv tri ya, nomata yufala kamaot long wanfala wael oliv tri. So bae hemi isi nomoa fo God joenem baek olketa Jiu wea olketa olsem tru brans blong disfala barava oliv tri ya.