Sams 127:3 - Pijin Bible

³ Olketa pikinini blong yumi, olketa nao wanfala presen wea Yawe hemi givim long yumi. Olketa ya i olsem wanfala gud samting wea hemi givim fo lukaftarem yumi.

Pijin Deuterocanon

³ Olketa pikinini blong yumi, olketa nao wanfala presen wea Yawe hemi givim long yumi. Olketa ya i olsem wanfala gud samting wea hemi givim fo lukaftarem yumi.

Sams 127:3 Iomraidhean Croise

Jenesis 1:28

Nao hemi blesim tufala, an hemi talem tufala olsem, “Hemi gud fo yutufala garem plande pikinini mekem olketa wea bae olketa kamaot bihaen long yutufala, bae olketa save go an stap long evri ples long wol. Nao bae yufala save mekem evrisamting long wol ya fo stap andanit long han blong yufala. Mi putum yufala, mekem yufala rul ovarem olketa fis, an olketa bed, an olketa narasamting moa wea i garem laef wea olketa stap long wol ya.”

Jenesis 24:60

Nao taem hemi mekredi fo lusim ples ya, olketa famili blong hem olketa blesim hem, olketa tok olsem, “Sista blong mifala, mifala prea mekem bae yu kamap mami blong plande pipol fogud, wea hemi winim milion, an bae olketa save winim olketa taon blong olketa enemi blong olketa.”

Jenesis 33:5

Taem Iso hemi lukim olketa woman ya wetem olketa pikinini, wea olketa stap wetem hem, hemi askem hem olsem, “?Olketa woman ya hu i stap wetem yu, an olketa pikinini ya i blong hu ya?” Nao Jekob hemi ansa olsem, “Bos, God hemi bin gud tumas long mi. Hem nao hemi givim olketa pikinini ya long mi.”

Jenesis 4:1

Nao Adam wetem waef blong hem Iv, tufala gohed fo slip tugeta, nao woman ya hemi babule an hemi bonem wanfala pikinini boe blong hem, an hemi tok olsem, “Yawe hemi helpem mi, nao mi garem wanfala pikinini boe.” Hemi kolem hem Kein.

Jenesis 48:4

Hemi tok olsem long mi, ‘Bae mi givim plande pikinini long yu, an olketa pikinini wea bae i bon kam bihaen long yu, bae olketa kamap plande fogud. Graon ya, bae mi givim long olketa ya, wea bae hemi graon blong olketa olowe nao.’”

2 Samuel 3:5

Meksiks hemi Itream, wea mami blong hem Egla hu hemi narafala waef blong Deved. Olketa nao i bon long Hebron.

1 Kronikols 28:5

Hemi mekem mi fo garem plande san, an hemi siusim san blong mi Solomon fo rul ovarem Israel wea hemi kingdom blong Yawe.

1 Kronikols 8:40

Olketa san blong Ulam i barava gudfala soldia, an olketa i nambawan man fo sut long bou. Olketa long laen blong Ulam i kasem 150 man. Nao evriwan long olketa ya i blong traeb blong Benjamin.

Stori abaotem Job 1:2

Hemi garem sevenfala san an trifala dota.

Aesaea 13:18

Bae olketa soldia i kilim dae olketa yang boe long ples ya wetem bou blong olketa, an bae olketa kilim dae olketa pikinini an olketa bebi tu. Ya, olketa nating sore nomoa long olketa ya.

Aesaea 8:18

!Olketa! !Yufala lisin kam gudfala! Yawe hu hemi garem evri paoa hemi stap long maonten long Saeon an hem nao hemi king blong yumi. Mi stap long hia wetem olketa pikinini wea Yawe nao hemi givim long mi, an hemi mekem mifala fo kamap olsem saen wea hemi laek fo duim mekem yufala pipol blong Israel save lukim.

Diutronomi 28:11

Taem yufala stap long lan wea Yawe hemi promisim long olketa olo blong yufala, bae hemi mekem yufala fo garem plande pikinini, an plande animol, an plande kaikai long olketa gaden.

Diutronomi 28:4

“Bae yufala garem plande pikinini. An bae olketa gaden blong yufala i garem staka kaikai. An bae olketa animol blong yufala i garem plande pikinini tu.

Jajis 12:9

Hemi garem siksti pikinini wea tetifala i boe, an nara tetifala i gele. Hemi letem olketa dota blong hem fo marit long olketa narafala famili wea i no long laen blong hem. An hemi tekem olketa gele blong narafala famili wea i no long laen blong hem fo kam maritim olketa boe blong hem. Hemi lidim pipol blong Israel fo sevenfala yia,

1 Samuel 1:27

Mi askem wanfala pikinini long hem, an hemi ansarem prea blong mi.