Sams 124:4 - Pijin Bible

^4-5 Nomata olketa bin kam fo spoelem yumi olsem wata wea hemi flad an draonem yumi, olketa enemi ya i no save spoelem yumi finis bikos Yawe hemi bin saet wetem yumi.” Hem nao yumi long Israel mas talem.

Pijin Deuterocanon

^4-5 Nomata olketa bin kam fo spoelem yumi olsem wata wea hemi flad an draonem yumi, olketa enemi ya i no save spoelem yumi finis bikos Yawe hemi bin saet wetem yumi.” Hem nao yumi long Israel mas talem.

Sams 124:4 Iomraidhean Croise

Stori abaotem Job 22:11

Ya, dastawe tudak hemi kam long yu an yu nating save lukluk. An hemi olsem wata hemi ran bikfala, an hemi draonem yu nao.

Sams 144:7

Plis yu yusim paoa blong yu fo sevem mi from olketa trabol, olsem wea yu pulum mi aot from dipsi. Tekem mi aot from paoa blong olketa pipol blong narafala kantri hu i save laea tumas an nating kipim strongfala promis blong olketa.

Sams 18:4

Paoa blong dae hemi raonem mi finis, olsem bikfala solwata wea hemi brek antap long mi, an hemi rolem mi fo spoelem nao.

Sams 18:5

Paoa blong dae hemi raonem mi finis, an dae hemi kam kolsap long mi nao.

Sams 32:6

Dastawe nao hemi gud fo olketa hu i tinghevi long yu, fo prea long yu. Nao taem bikfala trabol hemi kam, olsem wanfala bikfala wata hemi ran, bae hemi no save kasem olketa.

Sams 42:8

Lod Yawe, yu nao yu God wea yu givim laef long mi. Plis yu gohed fo tinghevi long mifala long de, an long naet, bae mi singsing fo prea long yu.

Sams 69:15

Plis no letem wata ya wea hemi flad fo kavarem mi, an no letem mi draon insaet long dipsi, an no letem mi fo lus godaon insaet long grev.

Sams 69:2

Mi gohed fo draon nao insaet long suam wea hemi fulap fogud long mad, an hemi no garem strongfala graon fo mi stanap long hem, Ya, mi stap insaet long wata wea hemi flad bikfala, hemi kavarem mi an kolsap fo hemi draonem mi nao.

Aesaea 28:2

!Lukaot! Yawe hemi garem wanfala man hu hemi barava strong tumas, an hemi sendem kam fo spoelem finis disfala ples. Bae hemi kam olsem ston blong aes, o olsem wanfala barava strong win, o olsem wanfala riva wea hemi barava ran strong an spoelem evrisamting.

Aesaea 59:19

Bae Yawe hemi kam olsem wanfala bikfala flad long taem blong saekloun. An stat long ist go-go kasem west, bae evri pipol i tinghae long biknem blong hem an long bikfala paoa blong hem.

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Revelesin 17:1

Wanfala long olketa sevenfala enjel ya, hemi kam long mi an hemi tok olsem, “Yu kam, mekem mi som yu panis wea bae mi givim long disfala biktaon wea hemi kolsap long plande riva. Disfala taon ya hemi olsem barava nogud juri.

Revelesin 17:15

Nao enjel ya hemi tok olsem long mi moa, “Yu save, olketa riva wea yu lukim disfala juri hemi sidaon kolsap long olketa ya, hem nao olketa pipol blong evri kantri an evri ples long wol, an olketa blong enikaen traeb an enikaen langguis tu.