Sams 121:8 - Pijin Bible

⁸ Stat distaem an gohed olowe nao, Yawe bae hemi gadem yumi evriwea yumi go long hem, an evriwea yumi stap long hem. (Singsing blong Deved. Olketa singim disfala singsing taem olketa goap fo fist long Jerusalem.)

Pijin Deuterocanon

⁸ Stat distaem an gohed olowe nao, Yawe bae hemi gadem yumi evriwea yumi go long hem, an evriwea yumi stap long hem. (Singsing blong Deved. Olketa singim disfala singsing taem olketa goap fo fist long Jerusalem.)

Sams 121:8 Iomraidhean Croise

2 Samuel 5:2

Bifoa, long taem wea Sol hemi king blong yumi, yu nao yu gohed fo lidim Israel long faet. An Yawe hemi bin tok olsem long yu, ‘Bae yu lidim an lukaftarem pipol blong mi Israel, an bae yu kamap king blong olketa.’”

Esra 8:21

Taem mifala stap long ples ya, long saet blong Ahava Riva, mi talem long olketa man hu i hipap long ples ya, wea mifala evriwan mas stop fo no kaikai, mekem mifala godaon long tingting blong mifala fo kam kolsap long God. Den mifala save askem hem fo kipim mifala sef long rod, an fo lukaftarem mifala, wetem olketa pikinini blong mifala, an evrisamting blong mifala.

Esra 8:31

Long mektuel de long fas mans, mifala goaot from Ahava Riva fo go long Jerusalem. Taem mifala gohed fo wakabaot, God blong yumi hemi blesim mifala tumas, an hemi gohed fo gadem mifala long rod from olketa enemi an olketa man hu i haed saet long rod fo stilim man an kilim man dae.

Sams 113:2

Stat distaem bae yumi mas preisim nem blong hem, an bae yumi mas preisim nem blong hem olowe nao.

Sams 115:18

Bat yumi hu i laef, bae yumi talem tengkiu long hem, stat distaem an olowe nao. !Yumi preisim Yawe!

Sams 125:2

Hem nao Yawe hemi gadem olketa pipol blong hem olowe nao, olsem olketa maonten i stap raonem Jerusalem.

Sams 131:3

Stat distaem, yumi olketa pipol blong Israel mas trastem Yawe olowe nao. (Olketa singim disfala singsing taem olketa goap fo fist long Jerusalem.)

Provebs 2:8

Hemi lukaftarem olketa hu i falom stretfala wei, an hemi gadem olketa hu i tinghevi long hem.

Provebs 3:6

Tingim Yawe long evrisamting, an bae hemi stretem rod blong yu.

Diutronomi 28:19

“Bae yufala garem trabol evriwea yufala go long hem.

Diutronomi 28:6

“Bae hemi lukaftarem yufala evriwea yufala go long hem.