Sams 12:2 - Pijin Bible

² Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Pijin Deuterocanon

² Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Sams 12:2 Iomraidhean Croise

1 Kronikols 12:33

Long traeb blong Sebulun, hemi garem 50,000 soldia wea i joenem Deved an barava tinghevi long hem. Olketa ya i save tumas hao fo yusim enikaen wepon.

Sams 10:7

Maos blong olketa i fulap long olketa nogud toktok fo spoelem pipol, an fo laea, an fo mekem pipol i fraet. An olketa kuiktaem tumas fo talem olketa ravis toktok fo spoelem pipol.

Sams 144:11

Plis yu tekem mi aot from paoa blong olketa pipol blong narafala kantri hu i save laea tumas an nating kipim strongfala promis blong olketa.

Sams 28:3

Taem yu panisim olketa nogud pipol ya, plis yu no makem mi wetem olketa. Olketa ya i gohed fo talem olketa gudfala toktok long narafala pipol, bat long tingting blong olketa, olketa barava heitem olketa ya fogud.

Sams 38:12

Olketa wea i laek fo kilim mi dae i mekem finis olketa trap fo mi, an olketa wea i laek fo spoelem mi, i promis finis fo duim. Oltaem nomoa olketa mekem olketa ravis plan agensim mi.

Sams 41:6

Olketa wea i kam fo lukim mi olketa toktok nating nomoa, olketa nating sore nomoa long mi. Olketa kam nomoa fo faendemaot olketa trabol blong mi, nao taem olketa gobaek, olketa gohed fo talemaot long evri ples.

Sams 5:9

Olketa enemi blong mi i nating save talem eni tru samting; olketa laekem nomoa fo spoelem evrisamting. Olketa suit toktok blong olketa i save kilim man dae.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Sams 59:12

Evri toktok wea hemi kamaot long maos blong olketa hemi barava nogud tumas. So letem praod blong olketa ya hemi spoelem olketa seleva. An hemi gud sapos yu kros long olketa an spoelem olketa finis nao, bikos olketa mekem trabol fo kasem mifala, an olketa laea tumas. Sapos olsem, bae evriwan i save nao dat yu rul long Israel, an yu rulim evri ples long wol.

Sams 62:4

Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Provebs 20:19

Man fo toktok tumas, hemi spoelem nara man. No go kolsap long kaen man olsem.

Provebs 20:6

Plande man talem yu save trastem olketa, bat hemi had tumas fo faendem kaen man olsem.

Provebs 29:5

Man os-os long eniwan, hem mekem net fo kasem hem seleva.

Jeremaea 7:28

Dastawe nao mi laekem yu fo tok olsem long olketa, ‘Hem ya nao disfala pipol hu i les fo obeim Yawe God blong olketa, o sensim ravis wei blong olketa taem hemi panisim olketa. No eniwan hemi kipim agrimen wea olketa bin mekem wetem mi. No eniwan hemi stap tru long mi. Ya, no eniwan trae nomoa fo duim.

Jeremaea 9:8

Olketa tang blong olketa i olsem poesen aro. Oltaem olketa yusim nomoa fo laea. Olketa gohed fo toktokgud long olketa wantok, bat olketa laek fo trikim olketa nomoa.

Esikiel 12:24

“Long datfala taem, bae no eniwan long laen blong Israel save talemaot moa laea abaotem spesol drim, o laea fo talem dat samting bae hemi hapen.

Maeka 7:2

Long disfala kantri, no eniwan hemi falom stretfala wei blong God. No eniwan hemi tinghevi long God. Evriwan i weit nomoa fo kilim dae narafala man. Olketa gohed fo trikim pipol, nomata olketa i wantok blong olketa nomoa.

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

1 Tesalonaeka 2:5

An yufala save finis dat mifala no kam fo tok suit long yufala o fo mekem wei fo tekem olketa gudfala samting from yufala. Nomoa ya. God tu hemi save long diswan.