Sams 119:89 - Pijin Bible

⁸⁹ Lod Yawe, toktok blong yu bae hemi tru olowe. Ya, bae hemi tru olowe long heven nao.

Pijin Deuterocanon

⁸⁹ Lod Yawe, toktok blong yu bae hemi tru olowe. Ya, bae hemi tru olowe long heven nao.

Sams 119:89 Iomraidhean Croise

Sams 111:7

Evrisamting wea hemi duim hemi stret an hemi somaot dat hemi barava kipim promis blong hem. An yumi save trastem olketa gudfala toktok blong hem.

Sams 111:8

Olketa gudfala toktok ya i barava tru an stret fogud, an bae olketa ya i stap evritaem olowe nao.

Sams 119:152

Fo longtaem nao mi bin save kam long olketa tising blong yu. Ya, yu bin mekem olketa ya fo stap olowe nao.

Sams 119:160

Evri toktok blong yu hemi barava tru, an evri wei wea yu jajem man hemi stret olowe.

Sams 89:2

Mi save dat yu tinghevi long mifala olowe, an wei wea yu kipim olketa promis blong yu hemi olsem skae ya wea hemi stap olowe.

Aesaea 40:8

Ya, gras save kamap drae, an flaoa save foldaon, bat toktok blong God blong yumi bae hemi stap fo evritaem olowe nao.”

Matiu 5:18

An mi talem yufala tru samting nao, bae no eni lelebet samting insaet long Lo hemi save lus ya. Bae Lo hemi stap nomoa, go-go kasem taem wea wol an skae bae i finis an evrisamting i kasem barava en blong hem.

1 Pita 1:25

bat toktok blong Masta bae hemi stap fo evritaem olowe nao.” An hem nao disfala Gudnius wea olketa bin talemaot long yufala.

2 Pita 3:13

Bat God hemi promis finis fo mekem niufala skae an niufala wol moa, wea evriwan hu i stret long ae blong God bae olketa stap long hem. So yumi mas weit nomoa fo lukim olketa niufala samting ya.