Sams 119:30 - Pijin Bible

³⁰ Mi bin siusim finis wei fo obeim yu, an mi save finis olketa rul blong yu.

Pijin Deuterocanon

³⁰ Mi bin siusim finis wei fo obeim yu, an mi save finis olketa rul blong yu.

Sams 119:30 Iomraidhean Croise

Sams 119:111

Olketa tising blong yu, bae i stap olowe long maen blong mi. Olketa ya i gohed fo mekem tingting blong mi fo hapi tumas.

Sams 119:173

Plis yu mas redi olowe fo helpem mi, bikos mi falom olketa gudfala toktok blong yu.

Sams 119:24

Mi hapi tumas long olketa tising blong yu, bikos olketa tising ya i olsem olketa man fo tisim mi long olketa waes toktok.

Sams 119:29

Plis yu helpem mi fo no falom wei fo laea, an tisim mi olketa gudfala tising blong yu.

Sams 119:52

Lod Yawe, taem mi tingim olketa rul blong yu wea yu bin mekem bifoa kam yet, hemi mekem tingting blong mi fo kamap gud olowe.

Sams 18:22

Mi gohed fo falom olketa lo blong hem, an mi nating brekem olketa strongfala toktok blong hem.

Sams 18:23

Hemi save dat mi nating duim eni rong samting, an mi bin gohed fo no duim enisamting nogud.

Provebs 1:29

Yufala les fo garem save, an yufala les fo tinghae long Yawe.

Gudnius abaotem Jisas Kraes wea Luk hemi raetem 10:42

bat wanfala samting nomoa hemi bikfala samting ya. An Meri nao hemi bin siusim samting wea hemi nambawan, an no eniwan bae hemi tekemaot diswan from hem ya.”

Gudnius abaotem Jisas Kraes wea Jon hemi raetem 8:45

Bat mi ya, mi talem yufala tru samting, dastawe nao yufala no wande fo bilivim mi.

Diutronomi 6:6

“Yufala mas baehat long olketa toktok wea mi givim long yufala tude.

Josua 24:15

Distaem sapos yufala no laek fo falom hem, yufala mas siusim wanem god nao yufala laekem. Sapos yufala laek fo falom olketa laea god ya blong olketa pipol blong Mesopotemia, wea olketa grani blong yumi bifoa i bin wosipim olketa, hemi saet blong yufala nao. O sapos yufala laek fo falom olketa laea god blong olketa long laen blong Amoa wea yumi stap long lan blong olketa distaem, hemi saet blong yufala tu. Bat mi, wetem olketa long famili blong mi, bae mifala falom nomoa Yawe.”

1 Pita 2:2

Bat yufala mas olsem olketa smolfala bebi wea i jes bon an i laekem susu tumas. Olsem, yufala mas laekem tumas disfala nambawan milk blong God wea hemi save mekem yufala grouap go-go God hemi sevem yufala.

2 Jon 1:4

Mi hapi fogud taem mi herem dat samfala long olketa pikinini blong yu i gohed fo falom tru toktok, olsem wea God Dadi blong yumi hemi bin talem yumi fo duim.