Sams 119:20 - Pijin Bible

²⁰ Evritaem nomoa mi laekem tumas fo save long olketa rul blong yu.

Pijin Deuterocanon

²⁰ Evritaem nomoa mi laekem tumas fo save long olketa rul blong yu.

Sams 119:20 Iomraidhean Croise

Stori abaotem Job 27:10

Hemi olsem bikos, ravis man hemi no hapi long God hu hemi garem evri paoa, an hemi no prea go long hem olowe.

Sams 106:3

Olketa wea i obeim olketa strongfala toktok blong hem, an olketa wea i save duim olketa stretfala samting, olketa ya nao i hapi.

Sams 119:131

Mi laekem tumas olketa strongfala toktok blong yu, olsem animol wea hemi barava dae fo wata.

Sams 119:174

Lod Yawe, mi laekem tumas fo yu sevem mi, bikos olketa gudfala tising blong yu nao hemi mekem mi hapi tumas.

Sams 119:40

Mi laekem tumas fo obeim olketa gudfala toktok blong yu. Plis yu givim niufala laef long mi, bikos wei blong yu nao hemi stret fogud.

Sams 63:1

God, yu nao yu God blong mi. Mi laekem tumas fo yu stap olowe wetem mi insaet long laef blong mi. Mi filim laef blong mi hemi olsem graon wea hemi barava drae fogud, an hemi nating garem eni wata, hem nao mi laekem yu tumas.

Sams 84:2

!Mi laekem tumas fo stap long hem! Lod Yawe, mi laekem tumas fo stap insaet long Tambuhaos blong yu ya. Yu nao yu God hu hemi laef. Long ful laef blong mi, mi singsing bikos mi barava hapi tumas long yu.

Provebs 13:12

Tingting wea hemi mis, hemi save mekem man filnogud. Tingting wea hemi hapen, hemi save mekem man hapi.

Provebs 17:17

Fren blong yu, hemi lavem yu olowe. Brata blong yu, hemi helpem yu long hadtaem.

Nambawan Singsing 5:8

Olketa woman long Jerusalem. Yufala mas mekem strongfala promis: Sapos yufala faendem daling blong mi ya, bae yufala mas talem hem wea mi barava dae tumas fo hem nao.