Sams 119:2 - Pijin Bible

² Olketa pipol hu i falom evri tising blong yu, an obeim hem long ful laef blong olketa, olketa ya nao i hapi.

Pijin Deuterocanon

² Olketa pipol hu i falom evri tising blong yu, an obeim hem long ful laef blong olketa, olketa ya nao i hapi.

Sams 119:2 Iomraidhean Croise

1 Kings 2:3

An yu mas duim olketa samting wea Yawe, God blong yu, hemi talem yu fo duim. Yu mas obeim olketa lo an rul wea olketa raetem long buk blong Lo blong Mosis. Long wei olsem, nomata eni ples yu go, bae yu save gohed gudfala long olketa samting yu duim.

1 Kronikols 22:19

Distaem, yufala mas barava tinghevi fo falom wei blong Yawe God blong yufala. Bae yufala mas bildim nao Tambuhaos fo mekhae long nem blong Yawe, mekem yufala save putum Tambu Boks blong Spesol Agrimen blong Yawe an olketa narafala tambu samting insaet long hem.”

2 Kronikols 31:21

Long evri waka hemi duim fo sapotem wosip long Tambuhaos blong Yawe, an long wei wea hemi obeim Lo blong Yawe, king ya hemi lukaotem God blong hem, an hem barava hapi tumas fo duim waka ya. Dastawe evrisamting hemi duim hemi kamap gudfala.

Sams 105:45

Hemi duim olsem mekem olketa pipol blong hem i obeim olketa lo blong hem, an olketa falom evri strongfala toktok blong hem. !Yumi preisim Yawe!

Sams 119:10

Long ful laef blong mi, mi laekem tumas fo falom yu. Plis yu helpem mi, mekem mi obeim olketa strongfala toktok blong yu.

Sams 119:101

Mi no save falom olketa nogud wei, bikos mi laek fo obeim olketa tru toktok blong yu.

Sams 119:115

Mi laekem olketa nogud pipol fo giraot, mekem mi falom olketa strongfala toktok blong yu, God blong mi.

Sams 119:146

Mi gohed fo kol kam long yu fo sevem mi, mekem mi save kipim olketa gudfala tising blong yu.

Sams 119:17

Lod Yawe, plis yu lukaftarem mi wakaman blong yu. mekem mi laef gudfala fo obeim olketa tru toktok blong yu.

Sams 119:22

Plis yu no letem olketa nogud pipol ya fo mekfan long mi an tok nogud long mi, bikos oltaem mi falom olketa tising blong yu.

Sams 119:33

Lod Yawe, plis yu mekem mi save long mining blong olketa lo blong yu, an bae mi obeim olketa olowe nao.

Sams 119:34

Plis yu helpem mi fo minim gudfala olketa tising blong yu, nao bae mi falom olketa tising ya long ful laef blong mi.

Sams 119:57

Lod Yawe, yu nomoa yu givim laef long mi, dastawe mi promis fo falom olketa tru toktok blong yu.

Sams 119:69

Olketa praod pipol i bin talem olketa laea abaotem mi, bat long evri tingting blong mi, mi gohed fo falom nomoa olketa gudfala toktok blong yu.

Sams 119:88

Bikos yu lavem mi tumas, plis yu no letem mi dae. Sapos olsem, bae mi save obeim olketa gudfala tising blong yu.

Sams 25:10

Oltaem, Yawe hemi lavem tumas olketa pipol, an hemi save tingim tumas olketa pipol ya. Long wei ya nao, hemi gohed fo lidim olketa pipol wea i gohed fo falom olketa toktok blong spesol promis ya, wea hemi bin mekem wetem olketa grani blong yumi bifoa.

Provebs 23:26

Pikinini blong mi, yu mas barava lisingud long mi. Falom wei blong mi nomoa.

Jeremaea 29:13

An sapos yufala lukaotem mi long evri tingting blong yufala an evri save blong yufala, bae yufala save faendem mi.

Esikiel 36:27

Bae mi putum spirit blong mi long yufala, an bae mi helpem yufala fo falom olketa lo blong mi, an kipim olketa strongfala toktok wea mi bin givim long yufala.

Gudnius abaotem Jisas Kraes wea Jon hemi raetem 14:23

Jisas hemi ansarem hem olsem, “Sapos eniwan hemi lavem mi, bae hemi obeim toktok blong mi ya. An Dadi blong mi bae hemi lavem hem, an bae mitufala kam an stap wetem hem.

Diutronomi 4:29

Bat long olketa narafala ples olsem, bae yufala save lukaotem Yawe, God blong yufala. An sapos yufala yusim evri tingting blong yufala an evri save blong yufala fo lukaotem hem, oraet bae yufala save faendem hem.

Diutronomi 6:17

Oltaem nomoa, yufala mas barava obeim olketa strongfala toktok blong Yawe, an olketa tising an olketa rul wea hemi bin talem long yufala.

Diutronomi 6:5

An yufala mas lavem Yawe, God blong yufala, long evrisamting long maen blong yufala, an long evri tingting blong yufala, an long evri strong blong yufala.