Sams 119:18 - Pijin Bible

¹⁸ Plis yu mekem mi luksave long olketa gudfala tising blong yu wea hemi tru.

Pijin Deuterocanon

¹⁸ Plis yu mekem mi luksave long olketa gudfala tising blong yu wea hemi tru.

Sams 119:18 Iomraidhean Croise

Sams 119:96

Mi save dat evrisamting bae hemi finis, bat olketa strongfala toktok blong yu hemi no save finis.

Aesaea 29:18

Long datfala taem, olketa hu i iapas bae i heresave long olketa toktok insaet long buk ya. An olketa hu i blaen an bin stap long tudak, bae i save lukluk moa.

Aesaea 32:3

Nao olketa save luksave moa, an olketa save heresave tu.

Aesaea 35:5

Long datfala taem, olketa hu i blaen bae i save lukluk moa, an olketa hu i iapas bae i save here-here moa.

Hosia 8:12

Mi bin raetemdaon plande toktok fo tisim olketa, bat olketa luk long olketa toktok ya olsem krangge toktok nomoa.

Matiu 13:13

So mi yusim olketa tokpiksa fo tisim pipol ya, bikos taem olketa lukluk, olketa nating luksave nomoa, an taem olketa lisin, olketa nating heresave o minim nomoa.

Matiu 16:17

Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu.

Matiu 20:33

Nao tufala sei long hem, “Masta, mitufala laekem yu fo openem ae blong mitufala.”

Gudnius abaotem Jisas Kraes wea Jon hemi raetem 9:39

Nao Jisas hemi tok olsem, “Mi kam long disfala wol fo jajem wei blong olketa pipol. Mekem pipol hu i no lukluk yet, bae olketa save lukluk, an mekem pipol hu i tingse olketa save lukluk, bae olketa blaen.”

Aposol 26:18

Bae yu mas openem ae blong olketa, mekem olketa save lusim tudak an kam kasem laet, an mekem olketa kamaot from paoa blong Seitan an kam kasem paoa blong God. An taem olketa biliv long mi, bae God hemi save fogivim sin blong olketa, an bae olketa save joen wetem olketa wea God hemi bin siusim olketa finis.’

Hibrus 10:1

Disfala Lo blong Mosis ya, hemi olsem piksa nomoa blong olketa gudfala samting wea bae olketa kam. An hemi no save somaot barava tru samting. Disfala Lo ya hemi talem olketa fo mekem semkaen sakrifaes evri yia nomoa. Dastawe nao, Lo ya hemi no save mekem olketa pipol wea olketa kam fo mekem sakrifaes long God fo olketa kamap stret fogud.

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

Revelesin 3:18

Bat mi talem yufala stret, yufala mas peim barava gudfala gol long mi, mekem yufala kamap ris. An yufala mas peim waet kaleko long mi fo yufala werem, mekem yufala no save filsem moa long neket bodi blong yufala. An yufala mas peim tu samfala meresin long mi fo putum long ae blong yufala, mekem yufala save lukluk gud moa.