Sams 119:174 - Pijin Bible

¹⁷⁴ Lod Yawe, mi laekem tumas fo yu sevem mi, bikos olketa gudfala tising blong yu nao hemi mekem mi hapi tumas.

Pijin Deuterocanon

¹⁷⁴ Lod Yawe, mi laekem tumas fo yu sevem mi, bikos olketa gudfala tising blong yu nao hemi mekem mi hapi tumas.

Sams 119:174 Iomraidhean Croise

Jenesis 49:18

Lod Yawe, mi weitem yu nao, mekem yu sevem mi.

2 Samuel 23:5

Mi falom disfala wei nao, so mi save dat God bae hemi blesim laen blong mi. Hemi bin mekem spesol agrimen wetem mi, an evrisamting long hem hemi stret an bae hemi stap olowe nao. Mi save bae hemi barava helpem mi, an bae hemi givim mi evrisamting wea mi laekem.

Sams 1:2

Olketa pipol ya i hapi bikos olketa falom Lo blong Yawe, an oltaem olketa gohed fo ridim an tingting long hem evri de an evri naet.

Sams 119:111

Olketa tising blong yu, bae i stap olowe long maen blong mi. Olketa ya i gohed fo mekem tingting blong mi fo hapi tumas.

Sams 119:16

Oltaem mi hapi tumas long olketa lo blong yu, an mi no save fogetem olketa tru toktok blong yu.

Sams 119:162

Mi hapi tumas long olketa tru toktok blong yu. Ya, mi hapi tumas, olsem man hu hemi tekem plande gudfala samting taem hemi winim faet.

Sams 119:24

Mi hapi tumas long olketa tising blong yu, bikos olketa tising ya i olsem olketa man fo tisim mi long olketa waes toktok.

Sams 119:41

Lod Yawe, plis yu gohed olowe fo tinghevi long mi. Ya, plis yu sevem mi olsem wea yu bin promisim.

Sams 119:47

Mi hapi tumas fo falom olketa strongfala toktok blong yu, bikos hem nao wanem mi laekem tumas fo duim.

Sams 119:77

Oltaem nomoa mi hapi long olketa gudfala tising blong yu. So plis yu sore long mi an sevem mi.

Sams 119:81

Lod Yawe, mi bin weitem yu fo sevem mi go-go mi wikdaon nao. Nomata olsem, mi gohed fo trastem nomoa olketa toktok blong yu.

Provebs 13:12

Tingting wea hemi mis, hemi save mekem man filnogud. Tingting wea hemi hapen, hemi save mekem man hapi.

Nambawan Singsing 5:8

Olketa woman long Jerusalem. Yufala mas mekem strongfala promis: Sapos yufala faendem daling blong mi ya, bae yufala mas talem hem wea mi barava dae tumas fo hem nao.

Filipae 1:23

Mi barava stap long midol long tufala gudfala samting nao. Mi laekem tumas fo lusim laef an go stap wetem Kraes, bikos hem nao hemi barava nambawan samting.