Sams 119:16 - Pijin Bible

¹⁶ Oltaem mi hapi tumas long olketa lo blong yu, an mi no save fogetem olketa tru toktok blong yu.

Pijin Deuterocanon

¹⁶ Oltaem mi hapi tumas long olketa lo blong yu, an mi no save fogetem olketa tru toktok blong yu.

Sams 119:16 Iomraidhean Croise

Sams 1:2

Olketa pipol ya i hapi bikos olketa falom Lo blong Yawe, an oltaem olketa gohed fo ridim an tingting long hem evri de an evri naet.

Sams 119:109

Oltaem nomoa mi kolsap dae, bat mi no fogetem gudfala tising blong yu.

Sams 119:11

Mi mas tingim olketa tru toktok blong yu olowe, mekem mi no save sin agensim yu.

Sams 119:14

Taem mi falom olketa tising blong yu, hapi blong mi hemi bikfala tumas, winim sapos mi garem evri gudfala samting olsem wanfala risman.

Sams 119:141

Nomata mi man nating an olketa pipol i lukdaonem mi, mi no save fogetem olketa gudfala toktok blong yu.

Sams 119:143

Bikfala trabol nao hemi kasem mi wea hemi mekem mi wari tumas, bat olketa strongfala toktok blong yu nao hemi mekem mi hapi.

Sams 119:153

Lod Yawe, mi barava safa tumas nao long bodi blong mi. Plis yu sevem mi from disfala trabol, bikos mi nating fogetem olketa gudfala tising blong yu.

Sams 119:174

Lod Yawe, mi laekem tumas fo yu sevem mi, bikos olketa gudfala tising blong yu nao hemi mekem mi hapi tumas.

Sams 119:176

Mi liu olobaot nomoa olsem wanfala sipsip wea hemi lus. So plis yu kam lukaotem mi wakaman blong yu, bikos mi no fogetem olketa strongfala toktok blong yu.

Sams 119:24

Mi hapi tumas long olketa tising blong yu, bikos olketa tising ya i olsem olketa man fo tisim mi long olketa waes toktok.

Sams 119:35

Mi hapi tumas fo obeim olketa strongfala toktok blong yu.

Sams 119:47

Mi hapi tumas fo falom olketa strongfala toktok blong yu, bikos hem nao wanem mi laekem tumas fo duim.

Sams 119:61

Nomata olketa nogud pipol i trae fo mekem mi falom nogud wei blong olketa, mi gohed fo falom nomoa olketa gudfala tising blong yu.

Sams 119:70

Olketa praod pipol ya i nating save long olketa gudfala tising blong yu, bat mi hapi tumas long olketa gudfala tising ya.

Sams 119:77

Oltaem nomoa mi hapi long olketa gudfala tising blong yu. So plis yu sore long mi an sevem mi.

Sams 119:83

Nomata laef blong mi hemi nogud tumas olsem, mi nating fogetem nomoa olketa lo blong yu.

Provebs 21:15

Taem kot i jajem man long stretfala wei, olketa gudfala pipol i hapi tumas, olketa nogud pipol i fraet tumas.

Provebs 3:1

San blong mi, tingim olketa tising blong mi, an no fogetem olketa toktok blong mi.

Jeremaea 15:16

Yawe God, yu garem evri paoa, an mi blong yu nomoa. Taem yu tok long mi, mi tekem toktok ya olsem hemi gudfala kaikai. An oltaem, toktok blong yu ya hemi mekem mi barava hapi tumas.

Leta wea Pol hemi raetem go long sios long Rom 7:22

Barava insaet long tingting blong mi, mi hapi long Lo blong God nomoa.