Sams 119:156 - Pijin Bible

¹⁵⁶ Lod Yawe, wei wea yu sore long man, hemi bikfala samting tumas. Plis kipim mi laef olsem wea yu bin promisim.

Pijin Deuterocanon

¹⁵⁶ Lod Yawe, wei wea yu sore long man, hemi bikfala samting tumas. Plis kipim mi laef olsem wea yu bin promisim.

Sams 119:156 Iomraidhean Croise

2 Samuel 24:14

Den Deved hemi tok olsem, “!Mi barava filnogud nao! Yawe hemi barava kaen tumas, so hemi moabeta fo hemi siusim panis fo mifala. !Bat plis, no letem olketa enemi i panisim mi!”

1 Kronikols 21:13

Deved hemi ansa olsem, “!Mi barava trabol nao! Bat mi no laekem panis fo hemi kamaot long tingting blong man. Hemi moabeta fo Yawe nao hemi siusim panis fo mifala, bikos hemi save kaen long man.”

Sams 119:25

Lod Yawe, mi kolsap dae nao. Plis yu mekem mi laef gudfala moa, olsem wea yu bin promisim finis.

Sams 51:1

God, yu garem lav wea hemi bikfala tumas, plis yu sore kam long mi. Yu garem bikfala sore long man, plis yu rabemaot olketa sin blong mi.

Sams 86:13

Lav blong yu fo mi hemi bikfala tumas. Ya, yu bin sevem mi from dae.

Sams 86:15

Bat Masta, yu nao yu God hu hemi save sore tumas long pipol, an hemi save lavem olketa tumas. Ya, yu barava kaen tumas an yu no save kros kuiktaem, an yu save kipim olketa promis blong yu olowe.

Sams 86:5

Lod Yawe, yu gud tumas, an yu gohed fo fogivim olketa sin blong mi. An yu lavem tumas olketa hu i prea go long yu.

Aesaea 55:7

Yufala hu i falom olketa nogud wei, yufala mas lusim olketa wei ya. Yufala mas lusim olketa ravis tingting blong yufala. Yufala mas kambaek long Yawe hu hemi God blong yumi, mekem hemi sore long yufala an fogivim olketa sin blong yufala.

Aesaea 63:7

(Profet) Bae mi talemaot abaotem wei wea Yawe hemi tinghevi olowe long yumi pipol blong hem. Bae mi preisim hem fo olketa gudfala samting wea hemi bin duim. Hemi somaot sore blong hem long yumi pipol blong Israel, an somaot tu lav blong hem wea hemi no save finis.