Sams 118:7 - Pijin Bible

⁷ Yawe nomoa hemi saet wetem mi, hem nao bae mi save lukim dat hemi winim olketa enemi blong mi.

Pijin Deuterocanon

⁷ Yawe nomoa hemi saet wetem mi, hem nao bae mi save lukim dat hemi winim olketa enemi blong mi.

Sams 118:7 Iomraidhean Croise

1 Kronikols 12:18

Den spirit blong God hemi kam long Amasae hu hemi lida long olketa teti nambawan soldia, an hemi singaot bikfala olsem, “!Deved, san blong Jese! !Mifala blong yu nao! Bae yu save winim olketa faet. An bae evriwan wea i helpem yu save winim olketa faet. God hemi helpem yu nao.” So Deved hemi welkamem olketa, an hemi mekem olketa lidim olketa smol seksin long soldia wea i go stilim olketa samting from olketa vilij blong enemi.

Sams 112:8

Hemi no save wari o fraet, bikos hemi save dat bae olketa enemi blong hem i barava lus.

Sams 54:4

Bat oltaem God nao hemi helpem mi. Hemi Masta blong mi, hu hemi gohed fo saetem mi.

Sams 54:6

Lod Yawe, bae mi hapi tumas fo ofarem sakrifaes go long yu. Ya, bae mi tengkiu long yu bikos yu nao yu gud tumas.

Sams 54:7

Yu bin tekem mi aot finis from olketa trabol blong mi, an mi bin lukim dat olketa enemi blong mi i lus finis. (Singsing blong Deved. Hem nao fo singim wetem stringban.)

Sams 55:18

Olketa enemi wea i agensim mi, i staka fogud, an taem mi goaot fo faet agensim olketa, bae God hemi sevem mi nomoa.

Sams 59:10

God blong mi hemi lavem mi tumas, an bae hemi kam an stap wetem mi. Ya, bae hemi letem mi lukim taem hemi winim olketa enemi blong mi.

Sams 59:11

God, yu Masta blong mifala, an yu gohed fo gadem mifala mekem no eni trabol save kasem mifala. Plis yu no kilim olketa dae, nogud olketa pipol blong mi i fogetem hao yu bin panisim olketa pipol ya. Bat plis yu yusim paoa blong yu, fo mekem olketa evriwan i ranawe an lus finis.

Sams 92:11

Mi bin lukim finis taem yu winim olketa enemi blong mi long faet, an mi bin herem finis taem olketa nogud pipol ya i safa an krae.

Aesaea 41:13

Olketa pikinini blong mi. !Mi nao Yawe, God blong yufala! Mi nao mi stap wetem yufala an holetaet long raet han blong yufala, an mi tok olsem long yufala, ‘Yufala no fraet, bae mi helpem yufala’