Sams 118:12 - Pijin Bible

¹² Olketa hipap raonem mi olsem olketa hani bi, bat mi spoelem olketa finis long paoa blong Yawe. Taem olketa kam fo faetem mi olketa olsem faea wea hemi bonem drae gras an hemi finis kuiktaem nomoa.

Pijin Deuterocanon

¹² Olketa hipap raonem mi olsem olketa hani bi, bat mi spoelem olketa finis long paoa blong Yawe. Taem olketa kam fo faetem mi olketa olsem faea wea hemi bonem drae gras an hemi finis kuiktaem nomoa.

Sams 118:12 Iomraidhean Croise

2 Samuel 23:6

Bat olketa ravis man i olsem nilagras wea olketa torowem nomoa. No eniwan hemi save holem olketa wetem han nating nomoa.

Sams 20:1

Yawe hemi God blong olo blong yumi Jekob, an hemi stap long Tambuhaos blong hem long maonten long Saeon. Taem yu stap long trabol, mi laekem tumas sapos hemi save herem kam krae blong yu. An bae hemi helpem yu an lukaftarem yu gudfala, an hemi sevem yu tu.

Sams 20:5

Nao bae mifala i hapi an gohed fo singaot bikfala taem yu winim faet. An bae mifala i selebretem disfala samting ya, an gohed fo preisim God blong yumi. Mi laekem tumas wea Yawe bae hemi givim evrisamting ya wea yu gohed fo askem long hem.

Sams 58:9

God, plis yu katemaot olketa kuiktaem olsem ravis gras nomoa. Taem olketa laef yet, plis yu spoelem olketa finis long kros blong yu.

Sams 8:9

Lod Yawe, yu nao yu Masta blong mifala. Evriwan i luksave long bikfala paoa blong yu long evri ples long wol. (Singsing blong Deved.)

Eklesiastes 7:6

Yu save, laflaf blong krangge man hemi olsem nomoa noes blong faea wea hemi bonem olketa drae stik. Kaen laflaf ya hemi no fitim tingting blong yumi.

Aesaea 27:4

Mi nating kros wetem plantesin blong mi ya. Bat sapos hemi garem olketa ravis gras an olketa nilagras long hem, bae mi katem an bonem olketa.

Aesaea 33:12

Bae mi spoelem yufala fogud olsem wea faea hemi bonem korol fo kamap laem o bonem olketa drae nilagras fo kamap asis.

Neiham 1:10

Bae hemi olsem wea ropnila hemi taengem hem, o hemi barava drang fogud an no save stanap. Bae Yawe hemi spoelem hem fogud, olsem wea faea hemi bonem drae gras.

Diutronomi 1:44

Bat long semtaem, olketa laen blong Amoa wea i stap antap long ples ya i kam aftarem olketa, an faetem olketa, an ronem olketa olsem honet hemi ronem man. Olketa ranawe go kasem ples long Homa long Seia.

1 Samuel 17:45

Bat Deved hemi kol go moa long hem olsem, “Yu kam fo faetem mi wetem spia an naef fo faet blong yu, bat mi kam fo faetem yu long nem blong Yawe hu hemi garem evri paoa. Hem nao God blong ami blong Israel wea yu bin tokspoelem.