Sams 117:1 - Pijin Bible

¹ !Evri pipol long evri kantri, mas preisim Yawe! Evriwan long evri ples mas mekhae long hem!

Pijin Deuterocanon

¹ !Evri pipol long evri kantri, mas preisim Yawe! Evriwan long evri ples mas mekhae long hem!

Sams 117:1 Iomraidhean Croise

Sams 150:6

Hemi gud tumas fo evrisamting wea hemi laef, fo preisim Yawe. !Ya, yumi preisim Yawe!

Sams 66:1

!Yumi evriwan mas hapi an singaot fo preisim God!

Sams 66:4

Evriwan long wol nao i wosipim yu, an olketa singsing fo preisim yu. Ya, olketa singsing fo mekhae long nem blong yu.”

Sams 67:3

God, hemi gud tumas sapos olketa pipol i preisim yu. Ya, hemi gud tumas sapos olketa evriwan i preisim yu.

Sams 86:9

Yu nao yu mekem evri pipol long evri kantri, bae olketa kam an baodaon long yu fo preisim hae nem blong yu.

Leta wea Pol hemi raetem go long sios long Rom 15:11

An Buktambu hemi sei tu ya, “!Evri pipol long evri kantri, mas preisim Masta! Evriwan long evri ples mas mekhae long hem!”

Revelesin 15:4

Masta, yu nomoa yu holi. So evriwan bae tinghae long yu, an liftimap nem blong yu. Bae olketa pipol long evri kantri long wol olketa save kam an wosipim yu, bikos yu bin somaot stretfala wei blong yu.”

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.