Sams 112:5 - Pijin Bible

⁵ Eniwan hu hemi wakem bisnis long stretfala wei, an hemi save givim kaon long olketa narafala pipol, hem ya nao hemi hapi.

Pijin Deuterocanon

⁵ Eniwan hu hemi wakem bisnis long stretfala wei, an hemi save givim kaon long olketa narafala pipol, hem ya nao hemi hapi.

Sams 112:5 Iomraidhean Croise

Nehemaea 4:13

So mi sendem samfala pipol go long olketa ples wea waka blong wolston ya hemi no finis yet. Mi putum olketa pipol wetem famili blong olketa, an mi givimaot olketa naef fo faet, an olketa spia, an bou, mekem olketa gadem taon ya.

Sams 37:21

Olketa nogud pipol i gohed fo tekem olketa samting blong olketa narafala pipol, an olketa nating save kam an givimbaek. Bat olketa gudfala pipol, i wiling tumas fo givim go olketa samting long olketa narafala pipol.

Provebs 12:2

Yawe helpem evri stretfala man, hemi agensim evri konman.

Provebs 17:18

Man wea hemi no garem save, hem nao hemi promis fo peimaot kaon blong nara man.

Provebs 18:9

Lesibon hemi garem wanfala brata, hem nao, man fo spoelem evrisamting.

Provebs 2:20

Falom wei blong gud man, an bae yu go long stretfala rod.

Provebs 24:27

Fastaem, wakem gaden. Bihaen, wakem haos.

Gudnius abaotem Jisas Kraes wea Luk hemi raetem 23:50

Long taem ya, wanfala man hemi stap, nem blong hem Josef, wea hemi kam from wanfala taon long Jiudia wea olketa kolem Arimetia. Hemi wanfala stretfala an gudfala man, hu hemi weitem taem wea kingdom blong God, bae hemi kam. An hemi wanfala memba long disfala Kansol tu ya, bat hemi nating wanmaen wetem olketa samting wea olketa bin talem an duim long Jisas.

Gudnius abaotem Jisas Kraes wea Luk hemi raetem 6:35

Bat yufala mas lavem olketa enemi blong yufala, an yufala mas duim gudfala samting long olketa tu. An yufala mas givim enisamting blong yufala fo olketa nara pipol, wea yufala no tingim moa wea bae olketa mas givimbaek long yufala. Sapos yufala duim olsem, bae God hemi barava blesim yufala ya, an bae yufala nao kamap barava pikinini blong God Antap. Bikos God hemi kaen olowe long olketa pipol, nomata olketa no save kaen long hem an nomata wei blong olketa hemi barava ravis tumas.

Gudnius abaotem Jisas Kraes wea Jon hemi raetem 6:12

Taem evriwan long olketa i fulap finis, Jisas hemi tok olsem long olketa disaepol blong hem, “Yufala go an pikimap olketa pis kaikai wea olketa no finisim ya, nogud yumi spoelem kaikai.”

Aposol 11:24

Banabas hemi wanfala gudfala man, wea Holi Spirit hemi barava stap wetem hem an hemi garem strongfala biliv. An taem ya, plande pipol moa olketa stat fo biliv long Masta.

Leta wea Pol hemi raetem go long sios long Rom 12:11

Yufala mas no les, bat yufala mas gohed strong long waka oltaem, an yufala mas letem ful laef blong yufala fo gohed strong long waka blong Masta.

Leta wea Pol hemi raetem go long sios long Rom 5:7

Ating no eniwan hemi laek fo dae fo wanfala stretfala man, bat maet samwan hemi wiling fo dae fo wanfala gudfala man.

Efesas 5:15

So yufala mas lukaot long hao yufala stap. Yufala mas no stap olsem olketa pipol hu olketa no save yet long wanem hemi stret an gud. Bat yufala mas stap olsem pipol hu i garem waes tingting.

Filipae 1:9

Mi prea dat lav blong yufala hemi mas gohed fo grou moa, mekem yufala garem gudfala save an evri stretfala tingting.

Kolosi 4:5

Yufala mas waes gudfala tu long wei wea yufala stap wetem olketa pipol wea olketa no biliv long Kraes. An yufala mas tingting gud evri taem yufala stori wetem olketa.