Sams 112:4 - Pijin Bible

⁴ Eniwan hu hemi falom olketa gudfala wei an hemi sore long olketa narafala pipol an hemi kaen an hemi stret, hemi olsem laet wea hemi saen bikfala long tudak.

Pijin Deuterocanon

⁴ Eniwan hu hemi falom olketa gudfala wei an hemi sore long olketa narafala pipol an hemi kaen an hemi stret, hemi olsem laet wea hemi saen bikfala long tudak.

Sams 112:4 Iomraidhean Croise

Stori abaotem Job 11:17

Laef blong yu bae hemi gudfala moa, an hemi saen winim san wea hem saen long midol long de. An dak taem long laef blong yu bae hemi finis, an bae hemi olsem san wea hemi kamap long moning.

Stori abaotem Job 22:28

Evrisamting wea yu plan fo duim, bae hemi kamap gudfala. Ya, hemi olsem wea laet bae saen long wei blong yu.

Stori abaotem Job 29:3

Long datfala taem, oltaem hemi olsem wea laet blong hem hemi saen fo mi insaet long tudak.

Sams 106:1

!Yumi preisim Yawe! Yumi mas tengkiu long hem, bikos hemi gud tumas. Ya, hemi lavem yumi olowe.

Sams 116:5

Yawe hu hemi God blong yumi hemi gud tumas. Ya, hemi kaen an hemi save sore long olketa pipol.

Sams 145:17

Evrisamting wea Yawe hemi duim hemi stret fogud, an evrisamting wea hemi duim, hemi somaot dat hemi tinghevi tumas long yumi.

Sams 37:6

Bae evriwan i lukim olketa stretfala wei blong yu olsem samting wea hemi stap long klia delaet, an bae hemi som dat olketa waka blong yu hemi gudfala olsem san wea hemi saen long midol long de.

Sams 97:11

Yawe hemi blesim olketa stretfala pipol, an hemi mekem olketa gudfala pipol fo hapi.

Provebs 21:21

Man falom wei fo lav an wei fo kaen, hemi kasem gudfala laef an biknem.

Aesaea 50:10

(Profet) Yufala evriwan hu i tinghae long Yawe an obeim olketa toktok blong wakaman blong hem, nomata yufala stap insaet long tudak, bat yufala mas gohed fo trastem hem, wea nem blong hem nao Yawe. Ya, yufala mas barava dipen long hem.

Aesaea 58:10

an sapos yufala givim kaikai go long olketa hu i hanggre, an sapos yufala helpem olketa hu i garem trabol, bae mi helpem yufala. “Ya, sapos yufala duim olsem, bae mi mekem disfala tudak wea hemi stap raonem yufala fo kamap olsem delaet long midol long de.

Aesaea 58:8

“Sapos olsem, bae mi finisim olketa nogud samting blong yufala, olsem wea san long moning hemi finisim tudak long naet. An bae mi mekem yufala fo gudbaek kuiktaem nomoa. Ya, bae mi lidim yufala falom stretfala wei blong mi, an paoa blong mi bae hemi stap wetem yufala long evri saet.

Malakae 4:2

Bat yufala hu i gohed fo tinghevi long nem blong mi, bae paoa blong mi fo sevem pipol an mekem man fo stret long ae blong mi, bae hemi kamdaon long yufala olsem san hemi saen kamdaon long evrisamting. So bae yufala fri an hapi olsem smolfala buluka wea hemi jam olobaot taem hemi goaot from smolfala fens.

Gudnius abaotem Jisas Kraes wea Luk hemi raetem 6:36

Yufala mas kaen an sore long evri pipol, olsem Dadi blong yufala long heven hemi kaen an sore long evri pipol tu.”

Gudnius abaotem Jisas Kraes wea Jon hemi raetem 12:46

Mi kam insaet long disfala wol olsem laet, mekem evriwan hu i biliv long mi bae hemi no stap long tudak.

Efesas 4:32

Bat yufala mas sore an kaen tumas long evriwan, an yufala mas fogivim evriwan olsem God hemi fogivim yufala long Kraes.

Efesas 5:15

So yufala mas lukaot long hao yufala stap. Yufala mas no stap olsem olketa pipol hu olketa no save yet long wanem hemi stret an gud. Bat yufala mas stap olsem pipol hu i garem waes tingting.

Efesas 5:9

bikos wei blong laet nao hemi save mekem olketa samting wea hemi gud an hemi stret an hemi tru fo kamap.

1 Jon 2:29

Yufala save nao dat wei blong Kraes hemi barava stret. So eniwan hu wei blong hem hemi barava stret, hem nao hemi bon kam olsem pikinini blong God nao.

1 Jon 3:10

So wei blong man nao bae hemi somaot sapos hemi pikinini blong God o hemi pikinini blong Seitan. Bikos eniwan hu hemi no duim wanem hemi stret an hemi no lavem narafala Kristin, hemi no pikinini blong God nao.

1 Jon 3:7

Olketa pikinini blong mi, yufala mas no letem eniwan fo laea long yufala abaotem diswan. Eniwan hu hemi gohed fo duim wanem hemi stret, hemi stretfala man nao long ae blong God, olsem Kraes tu hemi stret long ae blong God.