Sams 11:1 - Pijin Bible

^1-3 Mi gohed fo trastem Yawe, an mi stap sef long hem. So olketa fren blong mi i krangge tumas fo tok olsem long mi, “Yu ranawe go long olketa maonten ya olsem wanfala bed wea hemi fraet fogud. Bikos olketa nogud pipol ya i pulumrere olketa bou blong olketa. An olketa nogud pipol ya i stap long tudak an i mekredi finis long olketa aro fo sutim olketa stretfala pipol. Taem evrisamting hemi nogud olsem ya, olketa gudfala pipol i no save duim enisamting nao.”

Pijin Deuterocanon

^1-3 Mi gohed fo trastem Yawe, an mi stap sef long hem. So olketa fren blong mi i krangge tumas fo tok olsem long mi, “Yu ranawe go long olketa maonten ya olsem wanfala bed wea hemi fraet fogud. Bikos olketa nogud pipol ya i pulumrere olketa bou blong olketa. An olketa nogud pipol ya i stap long tudak an i mekredi finis long olketa aro fo sutim olketa stretfala pipol. Taem evrisamting hemi nogud olsem ya, olketa gudfala pipol i no save duim enisamting nao.”

Sams 11:1 Iomraidhean Croise

2 Kronikols 14:11

Oraet, King Asa hemi prea go long Yawe hu hemi God blong hem. Hemi prea olsem, “Lod Yawe, no eniwan hemi olsem yu. Yu nomoa yu save helpem mifala hu i wik tumas fo agensim olketa wea i strong tumas. Plis yu helpem mifala distaem. Lod Yawe, God blong mifala, mifala trastem yu nomoa. Olketa soldia ya i barava plande tumas, bat mifala kam long disfala ples fo faetem olketa long nem blong yu. Lod Yawe, yu nao yu God blong mifala, plis yu no letem datfala man fo winim yu.”

2 Kronikols 16:8

Yu save, ami blong Kus, an ami blong Libia, tufala ami ya i bin bikfala tumas an garem plande kaat fo faet an plande soldia fo ran long hos, bat bikos yu trastem Yawe, hemi mekem yu fo winim olketa.

Nehemaea 6:11

Bat mi tok olsem long hem, “Mi no kaen man fo ranawe an haed. ?Yu tingse hemi gud fo mi save go haed insaet long Tambuhaos blong God fo sevem laef blong mi? !Bae mi no go!”

Sams 16:1

Lod Yawe, plis yu lukaftarem mi, bikos oltaem mi trastem yu fo yu sevem mi.

Sams 31:14

Bat Lod Yawe, mi gohed fo trastem yu, bikos yu nao yu God blong mi.

Sams 56:11

Mi trastem Yawe, hem nao mi no fraet. No eniwan save duim enisamting long mi.

Sams 7:1

Lod Yawe, yu nao yu God blong mi, an mi kam fo stap sef long yu. Plis yu sevem laef blong mi from olketa enemi blong mi ya.

Sams 7:2

Sapos nomoa, bae olketa enemi ya i brekem bodi blong mi long olketa smolfala pisis, olsem wanfala laeon, o bae olketa pulum mi go long narafala ples, an no eniwan save sevem mi nao.

Sams 9:10

Bae olketa wea i save long yu nao, i trastem yu. An no save lusim eniwan long olketa ya wea i kam long yu.

Provebs 6:5

Kamaot from trap ya olsem wanfala bed wea hemi flae aot, o animol wea hemi ranawe from man i laek sutim hem.

Jeremaea 48:14

“Olketa pipol blong Moab. ?Waswe nao yufala gohed fo tok olsem, ‘Mifala strongman fo faet, an mifala soldia wea mifala no save fraet’?

Gudnius abaotem Jisas Kraes wea Luk hemi raetem 13:31

Long semtaem ya, samfala Farasi olketa kam long Jisas an olketa tok olsem long hem, “Hemi gud sapos yu goawe distaem an go kasem nara ples moa, bikos King Herod Antipas hemi laekem tumas fo kilim yu dae.”

1 Samuel 19:11

Long sem naet, king hemi sendem samfala man long haos blong Deved, mekem olketa kilim hem dae long moning. Bat Mikal, waef blong Deved, hemi wonem hem olsem, “Sapos yu no goaot from hia tunaet, tumoro bae yu dae.”

1 Samuel 20:38

!Yu no stap long ples ya! !Yu hariap!” Den boe ya hemi go pikimap aro an tekem kambaek long hem.

1 Samuel 22:3

Deved wetem olketa pipol ya i lusim datfala ples, an olketa go long taon long Mispa long Moab. Den hemi askem king blong kantri ya olsem, “?Plis, yu save letem dadi an mami blong mi fo stap wetem yu long hia fastaem, go-go kasem taem wea mi faendemaot wanem nao God bae duim long mi?”

1 Samuel 23:14

Deved hemi stap kam long bikfala drae eria kolsap long taon long Jif, an hemi haed long olketa strongfala sefples olobaot long maonten long datfala eria. An olowe nomoa King Sol hemi trae fo faendem hem, bat God hemi no letem king fo kasem hem.

1 Samuel 27:1

Bihaen, Deved hemi tingting seleva olsem, “Ating wanfala de, King Sol bae hemi kilim mi dae. Hemi moabeta mi ranawe go stap long Filistia. Sapos mi stap long dea, bae hemi save givap an no lukaotem mi long Israel, an bae hemi no save spoelem mi.”