Sams 109:27 - Pijin Bible

²⁷ Plis yu mekem olketa enemi blong mi fo save dat yu nao yu sevem mi.

Pijin Deuterocanon

²⁷ Plis yu mekem olketa enemi blong mi fo save dat yu nao yu sevem mi.

Sams 109:27 Iomraidhean Croise

Esra 7:6

Disfala prist ya Esra, hem nao hemi kambaek from Babilon. Hemi wanfala tisa wea hemi savegud tumas long Lo blong Mosis, wea Yawe God blong Israel bin givim Lo ya long bifoa. Long mekseven yia wea King Atasekses hemi rul ovarem Pesia, Esra hemi redim wanfala bikfala grup long olketa blong Israel, mekem hemi lidim olketa gobaek long Jerusalem. Bikos Yawe, God blong hem, hemi gohed fo blesim hem, evrisamting wea hemi askem long king, king ya hemi givim nomoa long hem. Long grup ya, hemi garem olketa prist wetem olketa Livaet wea samfala long olketa i blong kuaea blong Tambuhaos blong Yawe, an samfala long olketa i sekiuriti long Tambuhaos ya, an samfala long olketa i wakaman long Tambuhaos.

Nehemaea 6:16

Taem olketa enemi blong mifala i herem dat wolston ya hemi finis, tingting blong olketa i wikdaon nao, bikos olketa wetem evriwan long olketa kantri raonem mifala i luksave dat God blong mifala hemi gohed fo helpem mifala fo duim waka ya, go-go hemi finis.

Stori abaotem Job 37:7

Hemi stopem waka blong olketa pipol, mekem olketa luksave long olketa samting hemi bin duim.

Sams 126:2

Long taem ya, yumi la-laf an singsing, bikos yumi barava hapi tumas, an olketa pipol long olketa narafala kantri i tok olsem long taem ya, “Yawe nao hemi duim olketa bikfala samting fo helpem olketa.”

Eksodas 8:19

So olketa go an tok olsem long king, “!Wanfala god nao hemi mekem samting ya!” Bat king hemi nating lisin nomoa long olketa, hemi gohed fo bikhed nomoa, an hemi barava olsem nao wea Yawe bin talem fastaem.

Aposol 4:16

An olketa sei olsem, “?Wanem nao bae yumi duim long tufala man ya, olketa? Evriwan long Jerusalem olketa save finis wea tufala bin mekem wanfala mirakol ya, an yumi no save talem diswan hemi no tru.