Sams 109:21 - Pijin Bible

²¹ !Lod Yawe, yu nao yu Masta blong mi! Plis yu helpem mi mekem evriwan save tinghae long nem blong yu. Plis yu sevem mi, bikos lav blong yu hemi bikfala tumas.

Pijin Deuterocanon

²¹ !Lod Yawe, yu nao yu Masta blong mi! Plis yu helpem mi mekem evriwan save tinghae long nem blong yu. Plis yu sevem mi, bikos lav blong yu hemi bikfala tumas.

Sams 109:21 Iomraidhean Croise

Sams 23:3

Hemi mekem mi fo filstrong moa, an hemi gohed fo lidim mi long olketa stretfala wei, bikos wei blong Yawe nao hemi barava stret.

Sams 25:11

Lod Yawe, yu nao yu God, olketa sin blong mi i plande tumas, plis yu fogivim mi, an tekemaot olketa sin blong mi ya.

Sams 31:3

Yu nao yu sefples blong mi, an yu nomoa yu strongfala ples blong mi fo haed. Plis yu go fastaem long mi an yu lidim mi, bikos yu nao yu gaed blong mi.

Sams 63:3

Bikfala lav blong yu fo mi ya hemi gudfala moa winim laef. Dastawe nao, bae mi mas preisim yu.

Sams 69:16

Lod Yawe, bikos yu lavem mi tumas, plis yu ansarem mi. Yu save sore tumas long man, so plis yu luk kam long mi.

Sams 69:29

God, mi safa tumas, an tingting blong mi hemi wikdaon finis nao. Plis yu strongim tingting blong mi an sevem mi.

Sams 86:15

Bat Masta, yu nao yu God hu hemi save sore tumas long pipol, an hemi save lavem olketa tumas. Ya, yu barava kaen tumas an yu no save kros kuiktaem, an yu save kipim olketa promis blong yu olowe.

Sams 86:5

Lod Yawe, yu gud tumas, an yu gohed fo fogivim olketa sin blong mi. An yu lavem tumas olketa hu i prea go long yu.

Gudnius abaotem Jisas Kraes wea Jon hemi raetem 17:1

Taem Jisas hemi talem evrisamting ya finis, hemi luk goap long heven an hemi prea olsem nao, “Dadi, taem ya hemi kam nao. Yu somaot saen blong bikfala paoa blong San blong yu, mekem San blong yu hemi save somaot saen blong bikfala paoa blong yu.