Sams 108:4 - Pijin Bible

⁴ Wei blong yu wea oltaem yu lavem olketa pipol tumas, hemi hae fogud. Ya, hemi hae go kasem antap long skae. Wei blong yu wea oltaem yu gohed fo kipim olketa promis blong yu, hemi hae tumas. Ya, hemi hae go kasem antap long olketa klaod.

Pijin Deuterocanon

⁴ Wei blong yu wea oltaem yu lavem olketa pipol tumas, hemi hae fogud. Ya, hemi hae go kasem antap long skae. Wei blong yu wea oltaem yu gohed fo kipim olketa promis blong yu, hemi hae tumas. Ya, hemi hae go kasem antap long olketa klaod.

Sams 108:4 Iomraidhean Croise

2 Samuel 22:50

Lod Yawe, bae mi preisim yu long ae blong olketa narafala pipol. Bae mi singim olketa singsing fo preisim nem blong yu.

Sams 103:11

Lav blong hem fo olketa wea i gohed fo tinghae long hem, hemi bikfala tumas, hemi bikfala moa winim disfala wol.

Sams 113:4

Hem nao hemi rul ovarem evri pipol long evri kantri. Saen blong paoa blong hem hemi hae tumas winim skae.

Sams 36:5

Lod Yawe, wei blong yu fo lavem pipol olowe, hemi bikfala tumas. Wei wea yu gohed olowe fo kipim promis blong yu, hemi goap kasem skae.

Sams 85:10

Oltaem God hemi lavem tumas olketa pipol blong hem, dastawe nao olketa mas trastem an obeim hem. Ya, olketa wea wei blong olketa hemi stret, bae God hemi givim piis long olketa.

Sams 89:2

Mi save dat yu tinghevi long mifala olowe, an wei wea yu kipim olketa promis blong yu hemi olsem skae ya wea hemi stap olowe.

Sams 89:5

Lod Yawe, olketa long heven i singsing an preisim yu fo olketa gudfala samting wea yu duim. Ya, olketa holi enjel i singsing abaotem gudfala wei wea yu kipim olketa promis blong yu.

Aesaea 55:9

Olsem skae hemi barava hae tumas antap from graon, wei blong mi hemi hae tumas an hemi antap fogud from wei blong yufala, an tingting blong mi tu hemi antap fogud from tingting blong yufala.