Sams 107:9 - Pijin Bible

⁹ Hemi givim wata long olketa hu i barava dae fo dring, an hemi givim gudfala kaikai long olketa hu i hanggre, mekem olketa fulap an hapi.

Pijin Deuterocanon

⁹ Hemi givim wata long olketa hu i barava dae fo dring, an hemi givim gudfala kaikai long olketa hu i hanggre, mekem olketa fulap an hapi.

Sams 107:9 Iomraidhean Croise

Sams 132:15

Bae mi givim plande gudfala samting long olketa pipol long Saeon. An bae mi givim plande kaikai long olketa pua pipol long ples ya fo mekem olketa hapi.

Sams 146:7

Taem Yawe hemi mekem kot, hemi gohed fo helpem olketa wea pipol i spoelem olketa. An oltaem hemi gohed fo givim kaikai long olketa wea i hanggre. An Yawe hemi gohed fo mekem olketa man wea i stap long prisin fo gofri.

Sams 22:26

Lod Yawe, olketa pua pipol bae i kaikaim wanem olketa laekem, an olketa wea i kam long yu bae olketa preisim yu. Mi laekem tumas fo olketa garem gudfala laef olowe.

Sams 34:10

Maet olketa strongfala laeon i save sot long kaikai, bat olketa wea i go long Yawe fo help, olketa nao i garem evri gudfala samting.

Sams 34:11

Yufala olketa yanga, yufala kam an lisin long mi. Bae mi tisim yufala fo tinghae long Yawe.

Jeremaea 31:14

Bae olketa mekem plande ofaring long mi, mekem olketa prist i garem plande gudfala kaikai. An bae mi mekem olketa pipol blong mi i hapi long olketa gudfala samting wea bae mi givim long olketa.” Hem nao mesij blong Yawe.

Jeremaea 31:25

Eniwan hu hemi taet an filnogud, bae mi mekem olketa filgud moa. An eniwan hu hemi hanggre o dae fo wata, bae mi givim kaikai an dring long olketa fo mekem olketa strong moa.”

Matiu 5:6

Olketa hu i laekem tumas fo duim wanem God hemi laekem, olketa save hapi ya, bikos God bae hemi helpem olketa fo duim diswan.

Gudnius abaotem Jisas Kraes wea Luk hemi raetem 1:53

Hemi helpem olketa hu i hanggre fo fulap wetem olketa gudfala samting, bat hemi mekem olketa hu i ris fo goawe wetem emti han nomoa.