Sams 107:41 - Pijin Bible

⁴¹ Bat hemi sevem yumi wea i pua tumas from olketa trabol. An hemi mekem olketa famili blong yumi ya fo garem staka pikinini.

Pijin Deuterocanon

⁴¹ Bat hemi sevem yumi wea i pua tumas from olketa trabol. An hemi mekem olketa famili blong yumi ya fo garem staka pikinini.

Sams 107:41 Iomraidhean Croise

Jenesis 48:11

an hemi tok olsem long Josef, “Bifoa, mi tingse olsem bae mi no save lukim yu moa, bat distaem God hemi letem mi fo lukim tufala pikinini blong yu ya.”

Stori abaotem Job 21:11

Oltaem, olketa pikinini blong olketa nogud pipol i stap gudfala an ran olobaot bikos olketa hapi.

Stori abaotem Job 36:15

God hemi letem trabol kasem olketa pipol, fo sevem olketa. Hemi letem olketa pipol fo safa, fo mekem olketa lisin long hem.

Stori abaotem Job 42:16

Bihaen long datfala taem, Job hemi stap fo 140 yia moa. Hemi laef go-go hemi lukim olketa smol grani blong hem, wetem olketa pikinini blong olketa tu.

Stori abaotem Job 5:11

God nao hemi haemapem olketa hu i hambol. An hemi mekem olketa pipol hu i sore an krae, fo kamap hapi moa.

Stori abaotem Job 8:7

An nomata distaem laef blong yu hemi luk olsem samting nating nomoa, bae hemi fulap long staka samting wea bae hemi givim long yu.

Sams 128:6

Hemi gud tumas sapos yufala laef go-go yufala lukim olketa smolfala grani blong yufala. Hemi gud tumas sapos yumi pipol long Israel i garem gudfala laef. (Olketa singim disfala singsing taem olketa goap fo fist long Jerusalem.)

Sams 78:52

Bihaen, hemi lidimaot olketa pipol blong hem from Ijip, an hemi gadem olketa insaet long drae eria.

Provebs 17:6

Olketa smol grani i mekem grandadi blong olketa fo garem biknem, an pikinini tu garem biknem from dadi blong hem.

Jeremaea 31:27

“Mi Yawe mi talem yufala tru nao. Taem bae hemi kam wea mi mekem olketa pipol an olketa animol fo kamap plande fo olketa long olketa traeb blong Israel an olketa long traeb blong Jiuda, olsem man wea hemi wakem gudfala graon, mekem plande kaikai hemi kamap.

Jemes 5:11

Yumi save sei olketa hapi tumas bikos olketa stanap strong go-go kasem en. An yufala herem finis abaotem Job. Enikaen nogud samting nao hemi kasem hem, bat hemi gohed nomoa fo biliv long God. An yufala save finis long wei wea Masta hemi helpem hem bihaen. Ya, Masta hemi gohed fo sore an kaen tumas long evriwan.

1 Samuel 2:21

Nao Yawe hemi blesim Hana, go-go hemi bonem trifala boe moa an tufala gele. Bat boe ya Samuel hemi grouap long tambuhaos blong Yawe.

1 Samuel 2:8

Hemi save liftimap laef blong olketa puaman. Ya, hemi save tekemaot olketa hu i trabol from ravis laef blong olketa. Hemi save mekem olketa ya fren wetem olketa sif, an hemi save haemap olketa, mekem olketa sidaon wetem olketa bikman. “Hem save duim olketa samting olsem bikos faondesin blong wol i stap long han blong hem nomoa, hem nao hemi stanemap disfala wol long olketa faondesin ya.