Sams 104:7 - Pijin Bible

⁷ Bat taem yu tokstrong long dipsi ya hemi godaon nao. Ya, taem hemi herem voes blong yu wea hemi olsem tanda, hemi go farawe nao.

Pijin Deuterocanon

⁷ Bat taem yu tokstrong long dipsi ya hemi godaon nao. Ya, taem hemi herem voes blong yu wea hemi olsem tanda, hemi go farawe nao.

Sams 104:7 Iomraidhean Croise

Jenesis 8:1

Bat God hemi tingim Noa yet, wetem evrisamting ya wea i stap wetem hem long sip ya, nao hemi sendem wanfala win fo blou long wata ya, an wata hemi stat fo godaon moa.

Sams 106:9

Hemi tok nomoa long Red Si, nao ples ya hemi kamap drae, an hemi lidim olketa pipol blong hem fo katkros go long narasaet.

Sams 18:15

Taem Yawe hemi tokstrong long olketa enemi blong hem, an hemi toktok kros long olketa, olketa dip si i kamap drae, an botom blong wol ya tu hemi soaot nao.

Sams 77:18

Yu mekem tanda ya hemi bosta bikfala fogud, an yu mekem laetning ya hemi laet long evri ples long wol, nao graon hemi seksek olsem man wea hemi fraet an hemi seksek.

Provebs 8:28

Mi stap finis bifoa hemi putum olketa klaod long skae, an bifoa hemi openem olketa springwata from andanit long graon.

Gudnius abaotem Jisas Kraes wea Mak hemi raetem 4:39

Nao taem ya nomoa, Jisas hemi stanap an tokstrong long win ya olsem, “!Yu mas stop nao!” An hemi sei moa long olketa wev ya, “!Yufala mas kuaet nao!” An taem ya nomoa, win ya hemi stop an wata ya barava kuaet fogud nao.