Sams 102:15 - Pijin Bible

¹⁵ Evri pipol long olketa kantri bae i tinghae long Yawe. Ya, evri king long wol tu bae i mekhae long bikfala paoa blong hem.

Pijin Deuterocanon

¹⁵ Evri pipol long olketa kantri bae i tinghae long Yawe. Ya, evri king long wol tu bae i mekhae long bikfala paoa blong hem.

Sams 102:15 Iomraidhean Croise

1 Kings 8:43

Sapos olsem, nomata yu stap long heven, plis yu lisin kam long prea blong hem. Long disfala wei, evri pipol blong wol bae i barava save long nem blong yu, an tinghae long yu, olsem pipol blong yu i tinghae long yu. An bae olketa save olsem disfala Tambuhaos wea mi bildim, hemi barava blong yu.

Nehemaea 1:4

Taem mi herem toktok ya, mi sidaon an mi krae. Long tu-tri de nomoa, mi stop fo no kaikai an mi gohed fo sore an krae. An mi gohed fo prea long God long heven,

Nehemaea 2:17

Bat long taem ya nao, mi tok olsem long olketa, “Olketa. Yufala lukim finis dat bikfala trabol hemi kasem yumi. Bikfala wolston blong taon ya hemi brek olobaot an hemi foldaon, an olketa geit ya i bone finis. Yumi mas wakembaek moa disfala wolston, mekem yumi no gohed fo sem long hem.”

Nehemaea 2:3

bat mi tok olsem long hem, “!O king, yu nao king olowe! Mi filsore fogud bikos mi herem dat homtaon blong mi wea beregraon blong famili blong mi hemi stap long hem, hemi kamap nogud finis, an olketa geit blong bikfala wolston ya, i bone finis long faea.”

Sams 138:4

Lod Yawe, evri king long wol bae i preisim yu, bikos olketa herem finis promis blong yu.

Sams 72:11

Hemi gud tumas fo evri king mas baodaon long hem. An evriwan long evri kantri mas waka fo hem.

Sams 86:9

Yu nao yu mekem evri pipol long evri kantri, bae olketa kam an baodaon long yu fo preisim hae nem blong yu.

Aesaea 55:5

“Wakaman blong mi. Bae yu kolem kam olketa pipol blong olketa narafala kantri wea yu no bin save long olketa fastaem. An olketa hu i no bin save long yu, bae olketa ran kam long yu. Mi nao bae mi mekem olketa samting ya fo hapen olsem, bikos mi nao Yawe hu mi Holi God blong Israel, mi mekhae blong yu.”

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 21:24

An pipol blong evri kantri long wol bae olketa wakabaot long disfala laet wea hemi saen kam long bikfala taon ya. An olketa king long wol bae olketa tekem kam risis blong olketa insaet long taon ya.