Sams 101:1 - Pijin Bible

¹ Lod Yawe, bae mi singim wanfala singsing abaotem wei wea mi laek fo kipim olketa promis blong mi long yu, an wei wea mi laek fo jajem olketa pipol long stretfala wei. Ya, bae mi singim fo preisim yu.

Pijin Deuterocanon

¹ Lod Yawe, bae mi singim wanfala singsing abaotem wei wea mi laek fo kipim olketa promis blong mi long yu, an wei wea mi laek fo jajem olketa pipol long stretfala wei. Ya, bae mi singim fo preisim yu.

Sams 101:1 Iomraidhean Croise

Sams 145:7

Bae olketa tokabaotem olketa gudfala wei blong yu, an bae olketa singsing abaotem wei wea yu kaen tumas.

Sams 51:14

God, plis yu sevem mi. Plis no kilim mi dae. Plis fogivim olketa sin blong mi, mekem mi hapi moa, an bae mi singsing fo talemaot stretfala wei blong yu.

Sams 89:1

Lod Yawe, oltaem bae mi singsing abaotem bikfala lav blong yu, an oltaem bae mi talemaot abaotem wei wea yu kipim olketa promis blong yu.

Sams 92:2

Hemi gud tumas fo singsing wetem olketa de-deferen kaen gita fo talemaot olketa gudfala wei blong yu. Long evri moning, hemi gud tumas fo mi talemaot dat lav blong yu hemi bikfala tumas. An evri naet, hemi barava gud fo mi talemaot dat yu kipim olketa promis blong yu.

Sams 97:8

Lod Yawe, olketa pipol long Saeon an olketa pipol long olketa taon long Jiuda i hapi tumas, bikos yu bin stretem olketa trabol blong olketa.

Maeka 6:8

Yawe hemi talemaot finis long yumi olketa gudfala samting wea hemi laekem tumas fo yumi duim. Yumi mas falom stretfala wei, an barava lavem pipol an tinghevi long olketa, an hambol an frengud wetem hem hu hemi God blong yumi.

Leta wea Pol hemi raetem go long sios long Rom 11:22

Yufala mas tingim gud dat God hemi save sore an kaen tumas, bat hemi save jajem yumi tu. Hemi jajem olketa hu i lusim wei blong hem, bat hemi sore an kaen long yufala sapos yufala gohed fo falom gudfala wei blong hem. Bat sapos yufala no duim diswan, bae hemi katemaot yufala tu.