Sams 10:9 - Pijin Bible

⁹ Olketa ya i gohed fo haed an we-weit nomoa long ples blong olketa, olsem wanfala laeon. Olketa ya i gohed fo weit nomoa fo kasem olketa pua pipol long trap blong olketa.

Pijin Deuterocanon

⁹ Olketa ya i gohed fo haed an we-weit nomoa long ples blong olketa, olsem wanfala laeon. Olketa ya i gohed fo weit nomoa fo kasem olketa pua pipol long trap blong olketa.

Sams 10:9 Iomraidhean Croise

Sams 109:31

Bae mi duim olsem, bikos Yawe hemi gadem olketa pua pipol an hemi sevem olketa from olketa pipol hu i talem dat olketa ya i mas dae. (Singsing blong Deved.)

Sams 12:5

Bat Yawe hemi tok olsem, “Bikos olketa nogud pipol ya i gohed fo spoelem olketa pua pipol, an olketa gohed fo mekem olketa safa an gohed fo krae, an olketa pua pipol ya wea i laekem tumas fo stap sef, oraet, bae mi kam nao fo sevem olketa.”

Sams 140:5

Olketa praod pipol ya i planem finis fo kasholem mi. Ya, olketa redi finis fo kasholem mi, olsem olketa man i redim net fo kasem fis.

Sams 17:12

Olketa we-weit nomoa fo pisisim bodi blong mi, olsem wanfala laeon taem hemi hanggre an hemi weitem eni smolfala animol fo kaikaim.

Sams 35:10

Barava insaet long maen blong mi, bae mi tok olsem long God, “Lod Yawe, no eniwan nao hemi olsem yu. Yu gohed fo gadem olketa wea i wik, mekem olketa wea i strong i no save spoelem olketa. An yu gohed fo gadem olketa wea i pua, mekem olketa wea i garem paoa i no save spoelem olketa.”

Sams 37:14

Olketa nogud pipol i holemrere olketa naef fo faet, an olketa pulumrere olketa bou blong olketa, fo kilim dae olketa pua pipol an olketa stretfala pipol.

Sams 59:3

!Lod Yawe, yu lukim kam ya! Olketa ravis pipol ya i kam tugeta nao fo agensim mi. Ya, olketa we-weit nomoa fo kilim mi dae. Nomata mi no duim eni rong samting, an mi no duim eni nogud samting, olketa hariap an mekredi nomoa fo faet. Lod Yawe, yu garem evri paoa an yu God blong Israel. Plis yu getap, an kam fo helpem mi. Ya, wekap an panisim olketa hiden pipol ya. Yu mas no sore long olketa nogud pipol wea i spoelem nomoa olketa fren blong olketa.

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 22:16

Wanfala man mekful long puaman fo kamap ris, narafala man givim presen long risman, tufala evriwan save lus.

Provebs 28:15

Ravis bikman hu hemi bos ovarem pua pipol, hemi olsem laeon wea hemi hanggre tumas, o wael pikpik wea hemi ronem man.

Aesaea 3:15

Hemi barava no stret fo yufala spoelem olketa pipol blong mi, an disfala wei wea yufala step long olketa pua pipol, hemi olsem wei wea yufala skuisimaot wata from olketa grep o krasim wit fo mekem flaoa.” Hem nao mesij blong Lod Yawe hu hemi garem evri paoa.

Aesaea 32:7

Wei blong olketa man fo laea hemi barava ravis tu, an oltaem nomoa olketa planem fo spoelem olketa pua pipol, nomata olketa garem raet long olketa samting wea hemi barava blong olketa.

Jeremaea 5:26

“Samfala ravis man i stap wetem yufala. Olsem man hu hemi we-weit long bus fo kasholem samfala bed, olketa ravis man ya i trae fo trapem olketa pipol.

Lamentesin 3:10

Hemi weitem mi, olsem wea animol ya bea o laeon hemi we-weit fo kasholem enisamting fo kaikaim.

Esikiel 22:29

Olketa pipol gohed fo ravem pipol an stil from olketa. Olketa gohed fo mekem hadlaef fo olketa puaman an olketa hu i no garem paoa. Ya, olketa gohed fo mekem olketa strensa safa tu. Ya, olketa nating duim samting wea hemi stret long olketa.

Emos 3:4

?Hao nao bae laeon save singaot bikfala long bus sapos hemi no faendem enisamting fo hemi kilim fo kaikaim? ?Hao nao bae yangfala laeon save singaot bikfala kam from ples wea hemi stap long hem sapos hemi no kasholem enisamting fo kaikaim?

Maeka 7:2

Long disfala kantri, no eniwan hemi falom stretfala wei blong God. No eniwan hemi tinghevi long God. Evriwan i weit nomoa fo kilim dae narafala man. Olketa gohed fo trikim pipol, nomata olketa i wantok blong olketa nomoa.

Habakuk 1:15

Olketa blong Babilonia i gohed nomoa fo kasholem pipol olsem fis wea olketa kasem long huk. Olketa ya i fosim pipol fo lusim ples blong olketa, olsem fis wea olketa pulum insaet long net. An taem olketa duim olsem, olketa singaot bikfala, bikos olketa hapi tumas.

Habakuk 3:14

Taem ami blong hem bin kam olsem saekloun fo spoelem mifala, olketa bin gohed fo hapi olsem man hu hemi laekem fo mekem olketa pua pipol safa. Bat long datfala taem, yu bin sutim disfala lida long olketa aro blong hem seleva.

Sekaraea 11:3

Olketa man fo lukaftarem sipsip i filnogud an krae tumas, bikos olketa ples wea i garem gudfala gras long hem i lus finis. Olketa laeon tu i krae, bikos bikfala bus kolsap long Jodan Riva, wea hemi ples blong olketa, hemi kamap nogud finis.

Gudnius abaotem Jisas Kraes wea Jon hemi raetem 10:12

Bat man wea olketa haerem hem nomoa fo kam lukaftarem olketa sipsip wea hemi no onam olketa, hemi save ranawe nomoa from olketa taem hemi lukim eni wael dog i kam. So wael dog hemi save kam kasholem samfala, an olketa narawan save ranawe go olobaot nao.

Aposol 23:21

Bat yu mas no falom toktok blong olketa. Bikos winim fotifala man long olketa nao, olketa bin mekem wanfala strong promis finis fo no kaikaim o dringim enisamting, go-go kasem taem wea olketa save kilim dae Pol finis. Olketa redi nao fo go haed an stap weit fo hem long saet rod. Olketa weit nomoa fo herem toktok blong yu fastaem.”