Sams 10:7 - Pijin Bible

⁷ Maos blong olketa i fulap long olketa nogud toktok fo spoelem pipol, an fo laea, an fo mekem pipol i fraet. An olketa kuiktaem tumas fo talem olketa ravis toktok fo spoelem pipol.

Pijin Deuterocanon

⁷ Maos blong olketa i fulap long olketa nogud toktok fo spoelem pipol, an fo laea, an fo mekem pipol i fraet. An olketa kuiktaem tumas fo talem olketa ravis toktok fo spoelem pipol.

Sams 10:7 Iomraidhean Croise

Stori abaotem Job 15:35

Man olsem hemi gohed fo planem olketa trabol, an hemi duim olketa nogud samting. Oltaem, hemi tingim nomoa wei fo laea.

Stori abaotem Job 20:12

Nogud wei hemi olsem nambawan kaikai blong ravis man, an hemi laek fo putum long maos blong hem.

Sams 12:2

Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Sams 140:3

Maos blong olketa hemi olsem tit blong poesen snek. Ya, olketa ravis toktok blong olketa hemi olsem poesen wea hemi kamaot long maos blong poesen snek.

Sams 140:9

Plis yu no letem olketa enemi fo winim mi long faet. Plis yu mekem olketa raf an nogud toktok blong olketa ya fo kasem olketa seleva.

Sams 144:11

Plis yu tekem mi aot from paoa blong olketa pipol blong narafala kantri hu i save laea tumas an nating kipim strongfala promis blong olketa.

Sams 36:3

Toktok blong olketa hemi barava nogud tumas an hemi fulap long evri laea, so olketa no save duim eni gudfala samting o enisamting wea hemi barava stret.

Sams 41:6

Olketa wea i kam fo lukim mi olketa toktok nating nomoa, olketa nating sore nomoa long mi. Olketa kam nomoa fo faendemaot olketa trabol blong mi, nao taem olketa gobaek, olketa gohed fo talemaot long evri ples.

Sams 5:9

Olketa enemi blong mi i nating save talem eni tru samting; olketa laekem nomoa fo spoelem evrisamting. Olketa suit toktok blong olketa i save kilim man dae.

Sams 50:19

Oltaem yufala redi nomoa fo tok nogud, an yufala laea olowe nomoa.

Sams 52:4

Yu man fo laea ya. Oltaem nomoa yu laekem tumas fo spoelem olketa pipol wetem olketa laea blong yu.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Sams 58:3

Oltaem olketa nogud pipol i bin rong finis, stat kam long taem wea olketa stap yet long bele blong mami blong olketa. Olketa redi fo laea, stat kam long taem wea olketa bon.

Sams 59:12

Evri toktok wea hemi kamaot long maos blong olketa hemi barava nogud tumas. So letem praod blong olketa ya hemi spoelem olketa seleva. An hemi gud sapos yu kros long olketa an spoelem olketa finis nao, bikos olketa mekem trabol fo kasem mifala, an olketa laea tumas. Sapos olsem, bae evriwan i save nao dat yu rul long Israel, an yu rulim evri ples long wol.

Sams 62:4

Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Sams 64:3

Toktok blong olketa i save spoelem man, olsem naef fo faet wea hemi barava sap fogud, an olketa makem pipol fo sutim olketa wetem olketa ravis toktok ya olsem olketa aro.

Sams 7:14

!Yufala lukim! Olketa nogud pipol ya i gohed fo tingting nomoa long olketa ravis samting. Olketa gohed nomoa fo planem trabol, an fo laea long olketa narafala pipol.

Sams 73:8

Olketa mekfan long olketa stretfala pipol, an toktok nomoa abaotem olketa nogud samting. Olketa praod fogud, an gohed fo mekem nomoa olketa ravis plan fo spoelem olketa narafala pipol.

Provebs 21:6

Bikfala seleni wea man garem long laea toktok, hemi lelebet smok nomoa an man save dae long hem.

Provebs 30:8

Fas samting, mekem mi no save laea. Mektu samting, mekem wea mi no pua tumas o ris tumas. Jes mekem mi fo garem inaf kaikai evri de.

Aesaea 59:4

No eniwan long yufala hemi falom stretfala wei fo jajem pipol. Taem yufala go long kot, yufala save tumas hao fo yusim olketa laea toktok, mekem yufala win. Oltaem yufala gohed fo falom olketa plan wea yufala mekem fo spoelem olketa narafala pipol.

Jeremaea 9:3

Hem ya nao mesij blong Yawe. Hemi tok olsem, “Long sem wei wea olketa soldia i redim bou fo sutim, olketa pipol ya i yusim tang blong olketa olsem bou, an laea blong olketa olsem aro. Oltaem olketa gohed fo laea, an long wei ya, olketa bin kamap strong long disfala lan. Taem olketa mekem wanfala sin finis, olketa gohed fo mekem narawan moa, an no eniwan long olketa hemi luksave dat mi nao God blong olketa.

Jeremaea 9:6

Jeremaea. Yu stap kam midol long olketa pipol wea i laea olowe nao, an olketa les fo luksave dat mi nao God blong olketa.” Hem nao mesij blong Yawe.

Emos 8:4

(Profet) !Yufala olketa bisnisman hu i spoelem olketa pua pipol an daonem olketa hu i no garem enisamting! !Yufala lisin gudfala!

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.