Sams 10:2 - Pijin Bible

² Olketa nogud pipol i praod tumas, an i gohed fo mekem olketa pua pipol safa. Plis yu letem olketa foldaon insaet long olketa trap wea olketa seleva i bin mekem.

Pijin Deuterocanon

² Olketa nogud pipol i praod tumas, an i gohed fo mekem olketa pua pipol safa. Plis yu letem olketa foldaon insaet long olketa trap wea olketa seleva i bin mekem.

Sams 10:2 Iomraidhean Croise

Sams 109:16

“Man ya, hemi no save kaen long eniwan. Oltaem nomoa hemi spoelem an hemi kilim dae olketa pua pipol wetem olketa hu i barava sore tumas.

Sams 119:122

Plis yu promis fo helpem mi wakaman blong yu. Plis yu no letem olketa praod pipol i mekful long mi.

Sams 119:5

Hemi gud tumas sapos mi stap strong olowe fo falom olketa lo blong yu.

Sams 119:69

Olketa praod pipol i bin talem olketa laea abaotem mi, bat long evri tingting blong mi, mi gohed fo falom nomoa olketa gudfala toktok blong yu.

Sams 119:85

Olketa praod pipol hu i nating obeim olketa gudfala tising blong yu, i trae had tumas fo mekem mi falom olketa nogud wei blong olketa.

Sams 140:5

Olketa praod pipol ya i planem finis fo kasholem mi. Ya, olketa redi finis fo kasholem mi, olsem olketa man i redim net fo kasem fis.

Sams 31:18

Olketa ya i praod tumas, an olketa gohed fo tokdaonem olketa stretfala pipol. So plis yu satem maos blong olketa mekem olketa no save laea.

Sams 36:11

Plis yu no letem olketa praod pipol fo spoelem mi, an no letem olketa nogud pipol i mekem mi ranawe.

Sams 59:12

Evri toktok wea hemi kamaot long maos blong olketa hemi barava nogud tumas. So letem praod blong olketa ya hemi spoelem olketa seleva. An hemi gud sapos yu kros long olketa an spoelem olketa finis nao, bikos olketa mekem trabol fo kasem mifala, an olketa laea tumas. Sapos olsem, bae evriwan i save nao dat yu rul long Israel, an yu rulim evri ples long wol.

Sams 7:16

So olketa ravis wei blong olketa ya nao i gohed fo kasem olketa moa, an olketa wei blong olketa fo spoelem narafala pipol, hem nomoa i spoelem olketa seleva moa.

Eksodas 18:11

Distaem mi save dat Yawe nao hemi hae moa winim evri narafala god, bikos hemi sevem olketa pipol blong Israel taem olketa blong Ijip bin lukdaon long olketa an mekful long olketa.”

Eksodas 9:17

Bat kam kasem distaem, yu bin gohed fo bikhed yet, an yu no letem olketa pipol blong mi fo go.

Provebs 5:22

Ravis wei blong ravis man bae trapem hem, hemi olsem rop wea i taengem hem.

Aesaea 14:13

Yu tok long yu seleva olsem, ‘!Bae mi goap long heven! Bae mi stanemap tron blong mi antap go long olketa sta blong God. An bae mi sidaon long tron ya, antap long tambu maonten wea olketa narafala god i kam tugeta long hem.

Aesaea 14:16

“!King! Olketa hu i lukim wei wea God hemi daonem yu, bae i sek tumas bikos olketa ting olsem, ‘?Waswe, hem nao man hu hemi mekem wol ya fo seksek, an hemi mekem tu olketa narafala king fo fraet?

Jeremaea 43:2

Asaraea, san blong Hosaea, an Johanan, san blong Karea, wetem olketa narafala bikhed man wea i stap long ples ya, olketa tok olsem long hem, “!Yu laea nao ya! Yawe hemi no sendem yu kam fo talemaot olketa toktok ya, ‘Yufala mas no go long Ijip fo stap long dea.’