Sams 10:11 - Pijin Bible

¹¹ Olketa nogud pipol ya i gohed fo tingting seleva an tok olsem, “!God hemi no wari nao ya! !Hemi satem finis ae blong hem! !An bae hemi no save lukim mifala!”

Pijin Deuterocanon

¹¹ Olketa nogud pipol ya i gohed fo tingting seleva an tok olsem, “!God hemi no wari nao ya! !Hemi satem finis ae blong hem! !An bae hemi no save lukim mifala!”

Sams 10:11 Iomraidhean Croise

Sams 10:6

Olketa gohed fo tok olsem, “Bae mifala no save lus ya. An bae trabol hemi no save kasem mifala.”

Sams 59:8

Bat Lod Yawe, yu la-laf nomoa long olketa. Ya, yu mekfan nomoa long wei blong olketa hiden pipol ya.

Sams 64:5

Olketa ya i strongim tingting blong olketa seleva long olketa ravis plan blong olketa. Olketa planem olketa ples wea bae olketa mekem olketa trap blong olketa ya, an olketa tingse no eniwan hemi luksave long olketa, taem olketa mekem olketa trap ya.

Sams 64:6

Olketa barava planem gudfala long olketa nogud samting ya, an olketa talem dat no eniwan hemi luksave long plan ya. Bat wea, yu nomoa God yu luksave long evri tingting blong evriwan.

Sams 73:11

Olketa nogud pipol ya i tok olsem, “!God hu hemi hae tumas, hemi no save ya! !Hemi no save faendemaot diswan ya!”

Sams 94:7

Olketa ya i tok olsem, “Yawe nao hemi God blong olketa pipol long Israel, bat hemi no save long wei blong yumi. Ya, hemi nating warim nomoa wanem yumi duim.”

Eklesiastes 8:11

Taem olketa pipol i no tekem kuiktaem panis blong olketa fo ravis samting wea olketa duim, narafala pipol i laekem nomoa fo duim ravis samting.

Esikiel 8:12

Nao Yawe hemi tok olsem long mi, “Man blong graon. ?Waswe, yu lukim nao disfala samting wea olketa lida blong Israel ya i gohed fo duim haed? Olketa evriwan i gohed fo haed insaet long tambuples blong hem from olketa pipol, fo wosipim olketa kaving god blong hem. Olketa tok olsem, ‘Yawe hemi no save lukim yumi ya. Hemi lusim finis disfala lan blong yumi.’ ”

Esikiel 9:9

Hemi ansarem mi olsem, “Olketa pipol blong Israel an Jiuda i duim plande ravis samting wea hemi barava nogud tumas. Olketa kilim dae plande pipol tumas evriwea long disfala lan, an olketa gohed fo duim enikaen samting wea hemi no stret. Olketa tok olsem, ‘Yawe hemi lusim finis disfala lan blong yumi. Hemi no save lukim yumi ya.’

Hosia 7:2

Bat olketa nating luksave dat mi lukim nomoa evrisamting wea olketa duim. Taem mi luk kam, mi lukim nomoa evri sin blong olketa wea hemi hipap raonem olketa olsem wanfala bikfala flad.”

Gudnius abaotem Jisas Kraes wea Mak hemi raetem 2:6

Long taem ya, samfala long olketa tisa blong Lo, olketa stap long ples ya tu, an olketa tingting olsem long maen blong olketa seleva.

Gudnius abaotem Jisas Kraes wea Luk hemi raetem 7:39

Nao disfala Farasi hu hemi bin askem Jisas fo kam, hemi lukim wanem woman ya hemi duim nomoa, an hemi tingting olsem long hem seleva nao, “Sapos disfala man ya hemi profet tru, hemi mas luksave long woman ya hu hemi tasim hem. Bikos hemi wanfala woman fo olobaot ya.”