Leta wea Pol hemi raetem go long sios long Rom 9:3 - Pijin Bible

³ Bikos olketa nao wantok blong mi, an olketa nao barava laen blong mi. Letem God hemi panisim mi an tekem mi aot from Kraes, sapos diswan hemi save helpem olketa Jiu fo kam kolsap long hem moa.

Pijin Deuterocanon

³ Bikos olketa nao wantok blong mi, an olketa nao barava laen blong mi. Letem God hemi panisim mi an tekem mi aot from Kraes, sapos diswan hemi save helpem olketa Jiu fo kam kolsap long hem moa.

Leta wea Pol hemi raetem go long sios long Rom 9:3 Iomraidhean Croise

Jenesis 29:14

Bihaen, angkol blong hem ya hemi tok olsem long hem, “!Ya, hemi tru nao! !Yumitufala i wan blad nomoa ya!” Jekob hemi stap long disfala ples fo wanfala mans.

2 Samuel 18:33

Nao king hemi seksek tumas. Hemi go long wanfala rum antap long geit blong bikfala wolston, an hemi gohed fo krae olsem, “!Oooo, san blong mi! !San blong mi Absalom! !Absalom, san blong mi! !I moabeta mi bin dae fo sensim yu! !San blong mi! !Oooo, Absalom, san blong mi!”

Esta 8:6

King, sapos datfala plan hemi gohed, bae mi sore tumas, bikos bae olketa kilim dae olketa pipol blong mi an olketa laen blong mi. Hemi moabeta fo mi mas dae wetem olketa tu.”

Eksodas 32:32

Nomata olsem, plis yu fogivim sin blong olketa. Bat sapos nomoa, oraet, mi askem yu fo tekemaot nem blong mi from disfala buk wea yu bin raetem olketa nem blong olketa pipol blong yu insaet long hem.”

Aposol 13:26

“Yufala olketa wantok long laen blong Ebraham, an yufala olketa nara pipol hu i kam fo wosipim God, long yumi nao God hemi givim kam disfala mesij wea bae hemi sevem yumi evriwan.

Aposol 22:5

Haeprist an evriwan blong Kansol olketa save talemaot nomoa dat diswan hemi tru ya. Olketa nao i givim mi olketa leta wea olketa raetem go fo olketa wantok blong yumi long Damaskas. An mi nao mi wakabaot go fo kasem Damaskas an kasholem olketa pipol olsem. Mi laek fo putum sen long olketa an tekem olketa kam long Jerusalem, mekem olketa panis.

Aposol 28:21

An olketa ansarem hem olsem, “Mifala no kasem eni leta wea hemi bin kam from Jiudia an wea hemi talem enisamting abaotem yu. An no eniwan long olketa wantok hu olketa stap kam long Jiudia i bin talem eni nius abaotem yu o talem eni toktok agensim yu.

Leta wea Pol hemi raetem go long sios long Rom 1:3

Gudnius ya hemi abaotem San blong hem, Jisas Kraes Masta blong yumi. Hemi barava man hu hemi bon kam long laen blong King Deved.

Leta wea Pol hemi raetem go long sios long Rom 11:1

Nao mi askem moa. ?Waswe, God hemi les long olketa pipol blong hem nao? !Hemi had ya! Mi seleva tu mi man blong Israel, wea mi bon kam long laen blong Ebraham long traeb blong Benjamin.

Leta wea Pol hemi raetem go long sios long Rom 11:14

Mi laek mekem olketa wantok blong mi fo joles long yufala, mekem samfala long olketa save kam long God fo hemi sevem olketa.

Leta wea Pol hemi raetem go long sios long Rom 16:11

An yufala sei halo long wantok blong mi, Herodion. An yufala sei halo long olketa Kristin long famili blong Nasisas.

Leta wea Pol hemi raetem go long sios long Rom 16:21

Timoti hu hemi waka wetem mi, hemi sei halo long yufala. An Lusias an Jeson an Sosipata wea olketa i wantok blong mi, trifala sei halo long yufala tu.

Leta wea Pol hemi raetem go long sios long Rom 16:7

An yufala sei halo long Andronikas an Jiulia, wea tufala i Jiu olsem mi tu, an tufala bin stap insaet long prisin wetem mi. Olketa aposol i tinghae tumas long tufala, an tufala biliv long Kraes fastaem long mi.

Leta wea Pol hemi raetem go long sios long Rom 9:2

mi filsore tumas an haat blong mi hemi filnogud tumas long olketa Jiu.

1 Korin 12:3

Dastawe mi laekem yufala fo save dat eniwan hu Spirit blong God i lidim hem, hemi no save sei, “!Jisas hemi ravis!” An eniwan wea Holi Spirit i nating lidim hem, hemi no save sei, “!Jisas nao hemi Masta!”

1 Korin 16:22

Eniwan hu hemi no save lavem Masta, panis blong God bae i kasem hem. !Masta blong mifala, yu kam!

2 Korin 12:15

Mi hapi tumas fo yusim evrisamting mi garem fo helpem yufala. Nomata laef blong mi tu, mi letem fo helpem yufala. ?So waswe, bikos mi lavem yufala bik tumas, bae yufala lavem mi lelebet nomoa?

Galesia 1:8

Bat sapos eniwan, nomata mifala o wanfala enjel blong heven hemi talemaot tising wea hemi deferen from Gudnius mifala talemaot long yufala finis, hemi fitim nomoa fo hemi go lus long hel.

Galesia 1:9

Mifala talem moa distaem wanem mifala talem finis bifoa. Sapos eniwan hemi talemaot tising wea hemi deferen from wanem yufala bilivim finis, hemi fitim nomoa fo hemi go lus long hel.

Galesia 3:10

Evriwan hu i holestrong fo falom Lo, bae God hemi jajem olketa, olsem Buktambu hemi sei, “Trabol bae kasem eniwan hu hemi no gohed fo duim evrisamting wea olketa raetem finis insaet long Buk blong Lo.”

Galesia 3:13

Kraes hemi mekem yumi fri finis from disfala wei blong Lo fo panisim yumi, wea hemi tekem disfala panis blong yumi. Bikos Buktambu hemi talem olsem finis, “Eniwan wea olketa kilim hem dae antap long tri, God hemi panisim hem.”

Efesas 6:5

Yufala olketa slev, yufala mas obeim olketa bos blong yufala wea yufala mas tinghae long olketa. An tingting blong yufala hemi mas stap stret, wea yufala obeim olketa olsem yufala obeim Kraes.

Diutronomi 21:23

Eniwan hu olketa kilim hem dae antap long tri, God hemi panisim hem. Bat bodi blong hem bae hemi mas no hang long tri long naet go-go kasem neks moning, yufala mas berem bodi long sem de nomoa. Yufala mas berem bodi ya mekem yufala no spoelem lan wea Yawe hemi givim long yufala fo onam.

1 Samuel 14:24

Oraet, olketa soldia blong Israel i wikdaon bikos olketa hanggre fogud. Olketa no kaikai bikos Sol hemi bin mekem wanfala strong toktok olsem, “Hemi tambu fo eniwan i kaikai bifoa san hemi godaon. Fastaem yumi mas kilim dae olketa enemi blong mi fo sensimbaek olketa trabol wea olketa mekem. !Sapos eniwan hemi brekem tambu ya, hem mas dae!” Dastawe no eniwan long olketa hemi kaikai long de ya.

1 Samuel 14:44

Nao king hemi tok olsem long hem, “!Tru, Jonatan, yu mas dae! !Sapos yu no dae, letem Yawe hemi kilim mi dae!”